You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Најлесно се изразувам кога... творам.<br />
Светски изложбен простор кој ме воодушевува е...<br />
Pompidou во Париз и во Мец. Art Basel, Walker Art Center<br />
во Минеаполис се временски пред сите концептуално во<br />
современата уметност, додека со своите колекции што имаат<br />
да ги понудат дефинитивно е SFMoMA во Сан Франциско,<br />
каде што сум ја имал честа да ги уживам феноменалните<br />
изложби и ретроспективни изложби изминатите 13 години.<br />
Фасцинантни се начинот на кој функционираат и буџетот<br />
со кој располагаат, музејот е обновен со нови изложбени<br />
простории, а најсовремено е тоа што самата зграда е<br />
уметничко дело сама по себе, новиот дел на надворешниот<br />
дел на зградата е 3D printed. Лудило.<br />
Мојата фасцинација од оганот почна... откако знам за<br />
себе, сум фасциниран од огнот. Професионално и активно<br />
почнав да го користам огнот во мојата работа во 2006, со<br />
12 години напорна работа научив многу од самиот процес<br />
кој се трансформира во најразлични дела, перформанси,<br />
инсталации, скулптури.<br />
Елемент што најмногу ме инспирира... Секој елемент ме<br />
инспирира на свој начин и со своето симболично значење<br />
што секој елемент го носи со себе.<br />
Перформанс на кој најдолго сум работел...<br />
„2 Димензионален“ (2009-2014) кој го имам направено 8 пати<br />
околу светот во престижни музеи, меѓу кои ‘Modern Wing- Art<br />
institute’ во Чикаго каде што првпат го правев перформансот<br />
„2 Димензионален“, во кој на некој начин бев мост помеѓу<br />
стариот и новиот дел на Музејот дизајниран од Ренцо Пјано<br />
за отворањето на Modern Wing во 2009, во овој перформанс<br />
публиката станува перформер.<br />
Преубаво искуство и третман како уметник добив во Onassis<br />
Cultural Centre во Атина.<br />
Исто така ‘Continuum’ перформансот во DFBRL8R<br />
Performance Art Gallery во Чикаго 2017 беше со времетраење<br />
од 10 дена, по 10 часа секој ден.<br />
Уметничко дело кое ми оставило најсилен впечаток е...<br />
тешко да одвојам едно дело покрај толку монументални<br />
дела. Дефинитивно инсталациите на Jenny Holzer, Christian<br />
Boltanski, James Turrell, Maurizio Cattelan, Olafur Eliasson.<br />
Град во кој се чувствувам најспокојно е... Кавадарци, поточно<br />
Моклиште каде што творам и живеам кога сум во Македонија,<br />
исто така и во Мендосино, Северна Калифорнија. Поголемите<br />
градови не даваат мир, туку напротив, си носат свој хаос.<br />
За успешно да ја владееш техниката „fire reflection“,<br />
најважно е... да имаш огромна концентрација, да го разбираш<br />
оганот и да научиш да го владееш, да бидеш упорен и да не<br />
се откажуваш. За да ја откријам мојата техника ‘fire reflection’<br />
ми беа потребни повеќе од 6 години интензивна работа и<br />
уште 6 години усовршување, оганот е прекрасен елемент кој<br />
временски не дава место за грешки, туку мора да се биде<br />
свесен за неговата моќ и времетраење. Исто така, многу е<br />
важно да се биде информиран за материјалите на кои се<br />
гори и нивната архивност.<br />
Најмоќната трансформација низ која сум поминал е... Монт<br />
Еверест дефинитивно беше клучно место каде што научив<br />
за медитацијата и е чувство на свесност што секој ден го<br />
практикувам.<br />
Импактот што го остварувам со публиката за време на<br />
перформансот... е енергетски дијалог каде што публиката<br />
е дел од самиот перформанс. Перформансот е најдиректна<br />
форма на изразување каде што најважни се идејата и<br />
енергијата создадена за време на перформансот. Тоа е<br />
нешто што фотографијата и видеото не можат да го доловат,<br />
туку присутноста во моментот на реализација.<br />
Во зависност од перформансот, се подготвувам психички и<br />
физички за да го реализирам најдобро што можам.<br />
Најтешко ми е да творам кога... немам време да се посветам,<br />
а морам да донесам некои важни одлуки и се занимавам со<br />
елиминирање.<br />
Кога би можел да<br />
сменам некој дел од<br />
мојата кариера, тоа би<br />
било... веќе го менувам, а<br />
тоа е и официјално легално<br />
разрешување на токсични<br />
соработки со неискрени и<br />
непрофесионални луѓе кои ги<br />
има многу во овој уметнички<br />
свет и бизнис, вклучувајќи<br />
галерии, музеи и организации<br />
кои не би сакал да ги именувам,<br />
но би сакал да им препорачам<br />
на сите уметници, без разлика<br />
на каков вид творештво<br />
работат, да се заштитат, да си<br />
ги знаат своите права и да си го<br />
ценат својот труд.<br />
Во моментов работам на... организирање на моите колекции<br />
низ светот, формирам свој Artist in Residence program со<br />
соработка со светски уметници и куратори веќе потврдени<br />
за 2019. Исто така во 2019 ќе учествувам со свое дело на<br />
изложбата на 100-годишнината од Bauhaus: An Enduring<br />
Legacy за отворањето на новиот музеј Ruth’s Table посветен<br />
на Ruth Аsawa во Сан Франциско.
Change language