You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Колумна<br />
Страв од<br />
летање<br />
Имам многу стравови поврзани со моите деца, што секој<br />
ден ми се засилуваат. Ќе пробам да ги класифицирам, за<br />
подобро да разберете што ме мачи.<br />
Првиот страв ми е дека кога тогаш ќе го сфатат бенефитот<br />
на „celebrity“ родител и ќе го користат на најлош можен<br />
начин. Затоа без престан им повторував како мора многу<br />
да учат, сами да заработуваат за да бидат самостојни и од<br />
никого да не зависат. Но кога мојот најстар син почна да<br />
зборува дека ќе студира во странство затоа што тука нема<br />
добри факултети и нема да може да заработува многу пари,<br />
сфатив дека тоа е резултат на моето „попување“. Можеби<br />
имав добра намера, но пристапот ми беше погрешен.<br />
Вториот страв ми е поврзан со класичните тестостерон<br />
приказни за растењето на машки деца, односно се плашам<br />
дали ќе учествуваат во тепачки, дали ќе сакаат да возат<br />
мотори, дали ќе ми ја крадат колата. Па така без престан<br />
им раскажував мини хорор приказни за сообраќајки, возев<br />
секаде со 40 км на час, и на секое разминување со мотор,<br />
додека ги возев гласно ццкав... Но еден ден седевме со<br />
друштво во еден локал на Партизанска и кога помина мотор<br />
со голема брзина, моите тројца синови, во истата секунда на<br />
глас викнаа: „Будалаааа...“. На сите им беше многу смешно,<br />
најстариот син се посрами и се налути, средниот дополни<br />
дека сите што возат мотори се будали, а најмалиот без<br />
престан повторуваше будалааа. Охооо и за овој мој страв<br />
можеби имав добра намера, но пристапот дефинитивно ми<br />
беше погрешен.<br />
Третиот мој страв е исконски и малограѓански (ве молам не<br />
ме осудувајте). Се плашев дека нема да бидат блиски кога ќе<br />
пораснат и ќе имаат свои семејства. Па затоа држев лекции<br />
дека со кого и да се дружат, какви и да им се девојките,<br />
жените, не смеат да дозволат да се скарани или разделени.<br />
И тогаш еден ден средниот син ми кажа дека нема да збори<br />
со девојката на Л. зашто таа ќе биде лоша и ќе сака браќата<br />
да се скараат. Мајко мила што направив! Без никаква лоша<br />
намера, со многу погрешен пристап, до свекрва од шпанска<br />
серија.<br />
За стравовите поврзани со нивното здравје, не сакам<br />
ни да пишувам. Доволно е ако кажам дека кога некој од<br />
нив е настинат, од мојот однос и атмосферата дома, друг<br />
прашува дали брат му ќе умре. Ги преполнив ли моите<br />
деца со стравови, предрасуди само затоа што премногу се<br />
плашам да не им се случи нешто? Пробав да разговарам со<br />
моите родители, но добив ироничен одговор; „Опаааа си<br />
заборавила кога те пуштавме во град до 11:30 часот, а ти<br />
среќна си доаѓаше во 3 сабајле и додека ние бевме пред<br />
нервен слом, ладно ни одговараше дека си спремна да си<br />
ја одлежиш казната и дека нема да излегуваш следниот<br />
викенд. Епа сфаќаш ли ние колку сме биле беспомошни“.<br />
Ова дефинитивно не беше одговорот што сакав да го<br />
слушнам. И додека размислував како од толкаво гомно, на<br />
крај сум завршила волку нормална, ми текна една вистина.<br />
Многу години пред да станам немилосрдна пубертетска<br />
кучка, не научив добро да пливам зaшто слушав кратки<br />
хорор приказни за давеници. Не научив да скијам зaшто пред<br />
секое зимување слушав кој скршил нога, рака и каде. Па на<br />
крај испадна дека сум аматер за црни сценарија, во однос<br />
на моите родители. И тогаш сфатив дека моите погрешни<br />
пристапи, се цел еден животен процес. А стравовите се тука<br />
за да растат и стареат во нас. Тука се како извртена форма<br />
на најсилна љубов да нѐ потсетуваат дека безброј глупости<br />
ќе бидат правени. Дека ќе дојде денот кога ќе сфатиш дека<br />
мораш да го пуштиш своето дете, да биде дете не светот.<br />
Ќе дојде ден кога ќе бидеш нем сведок на разделби, кои<br />
премногу ќе болат, на растење што единствено поминува<br />
со солзи. И ќе треба да оставиш тоа да биде така, иако ќе<br />
чувствуваш дека би можела да одиш до крајот на светот,<br />
само за да ги смениш работите. Со годините ќе научиш<br />
стравовите да не ги изговараш гласно. Ноќе да ги шепотиш<br />
во себе, а дење како вистински борец да се бориш и да се<br />
надеваш на најдоброто.<br />
12<br />
Ружица Антиќ<br />
*Текстот не е лекториран со цел да се задржи автентичноста