You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
За жал, ЛГБТ-заедницата сè уште е мета на постојани<br />
напади и секојдневно се загрозуваат човековите права на<br />
сите членови. Што сметате дека е најважно да се промени<br />
во нашето општество за секој член да се чувствува сигурно<br />
и слободно?<br />
Јавни и бескомпромисни заложби на сите политички<br />
актери за заштита и промоција на правата на ЛГБТ-луѓето,<br />
сензитивизација и проактивен пристап на медиумите,<br />
ослободување на образованието од хомофобичните и родово<br />
стереотипни содржини, остро одвојување на влијанието на<br />
религиозните актери од политичкиот живот и поинтензивна<br />
културна продукција со родово и сексуално еманципаторски<br />
примеси. Социјалната правда и борбата против економската<br />
експлоатација и искоренувањето на класната нееднаквост<br />
се исто така нужен услов за искоренување на хомофобијата<br />
и патријархатот. Конечно, поголема солидарност и емпатија<br />
од сите општествени слоеви и групи, затоа што, без разлика<br />
на сè: „We are queer, we are here, deal with it!“<br />
БИЉАНА ТАНУРОВСКА ЌУЛАВКОВСКИ,<br />
програмска уредничка на „Кино Kултура“<br />
Биљана, вие сте истакната културна<br />
работничка и силна поборничка за<br />
независната културна сцена во нашата<br />
земја. Каква е улогата на културните<br />
центри и зошто е важно тие да даваат<br />
помош и поддршка на ЛГБТ-заедницата?<br />
Културните центри имаат примарна улога да бидат места за<br />
вклучување на различните заедници, односно простори каде<br />
што се премостуваат анимозитетите, каде што се говори<br />
отворено, каде што се слуша гласот на другиот, каде што<br />
се омоќуваат оние што се обезмоќени или оние чијшто глас<br />
нема продор пошироко во општеството. Тие треба да бидат<br />
социјални генератори на културни и уметнички изразности<br />
што вклучуваат различни теми од заедниците. ЛГБТ е една<br />
од тие заедници, која, за жал, сè уште е маргинализирана кај<br />
нас и чиишто теми и проблеми, сметам, се блиски или сродни<br />
со другите заедници, на пример жените, возрасните групи и<br />
други заедници од „маргините“. Лицата од оваа заедница се<br />
мои колеги, пријатели и се автори кои со своето творештво<br />
го исцртуваат современиот културен јавен простор, кој<br />
е отворен, слободен, свесен, инклузивен, нов, разнолик,<br />
односно кој е дел од пошироките нови културни современи<br />
светски простори.<br />
„Кино Култура“ ќе ги отвори своите врати и неколкумина<br />
раскажувачки од јавната сцена ќе зборат за настани<br />
во кои биле посрамени поради својата општествена<br />
ненормативност. Може ли културата и слободата што ја<br />
носи, да помогне да се подигне свеста и луѓето да станат<br />
отворени и толерантни кон идентитетските рамки?<br />
Опасноста е што културата се користеше кај нас<br />
за инструментализација на граѓаните, наместо за<br />
редефинирање на нашата граѓанска свест. Мислам дека<br />
сега е тоа време кога можеме да ја зајакнеме улогата на<br />
културата, односно да стане централен дел од јавната сфера.<br />
Јавната сфера и јавниот простор преку културата можат да<br />
градат нови простори на слобода и на ослободување, каде<br />
што прифаќањето на разликите во заедницата ќе јакне и ќе<br />
стане една од најважните вредности на градење на идниот<br />
општествено-релевантен свет. Секако, ова без политичка<br />
волја и континуирана поддршка не е можно. Но, верувам, или<br />
сакам да верувам, дека поддршките од сите страни допрва<br />
ќе доаѓаат и верувањата во цврст, еден и непроменлив<br />
идентитет ќе бидат минато.<br />
ИГОР ДЕЛОВ, графички дизајнер<br />
Игор, вие сте автор на креативниот<br />
дел на „Skopje Pride Weekеnd 2018“<br />
и веќе имавме можност да го видиме<br />
дизајнот на постерите. Од што бевте<br />
инспирирани оваа година и која е<br />
пораката што ја праќате преку вашата работа?<br />
Ми претставува огромно задоволство што имам можност<br />
да работам на проекти со кои директно учествувам во<br />
создавањето на културниот живот во мојот град. Отсекогаш<br />
предизвик ми биле темите поврзани со општествена<br />
одговорност, при што целам да ги инспирирам луѓето<br />
накратко да се прашаат за убедливоста на нивниот став<br />
кон одредена тема. Од друга страна, чест ми е да помагам<br />
на малите и средните бизниси во нашата држава, со<br />
создавањето бренд-идентитети, што се од голема важност<br />
за нивната работа, како и визуелната култура во нашиот<br />
град. Славчо Димитров, со кого соработуваме веќе повеќе<br />
години, секогаш ги поместува границите на нашите<br />
можности, задавајќи комплексни теми и задачи, што на<br />
прв поглед изгледаат како тешки математички равенки<br />
со многу непознати, но кои сепак треба на лесен начин<br />
да се пренесат и да се објаснат кон крајната публика.<br />
И покрај тоа што процесот е долг и тежок, сепак ние со<br />
ваквите проекти растеме како професионалци, заедно со<br />
моите соработнички, Бисера Крцковска и Ема Наумоска.<br />
Во овој случај, инспирирани бевме од ригидноста и од<br />
структуралноста на обрасците за пополнување што можат да<br />
се најдат низ шалтерите на јавната администрација, познати<br />
по нивната темнорозова, евтина хартија. Образецот, што<br />
е симбол за политичкото, наеднаш ги изместува и ги крши<br />
своите граници. На тој начин, ние го доловуваме настраното<br />
во општеството, што, и покрај тоа што е дел од него, е во<br />
постојан конфликт со политичкото, односно ригидното.<br />
Дизајнерите се изразуваат преку, бои, форми и облици.<br />
Дали знаете како би изгледал вашиот дизајн на постер што<br />
би ја опишал моменталната состојба на членовите на ЛГБТзаедницата<br />
во нашата земја?<br />
Како што веќе наспоменав, нашиот пристап на изработка<br />
на постер би го опишал како еден тежок процес, каде<br />
што постерот поминува низ повеќе фази на истражување,<br />
развивање идеи, дигитално и рачно скицирање, изведба,<br />
како и повеќекратно модифицирање и коригирање. Според<br />
тоа, за да можам да дадам скромен одговор на вакво сложено<br />
прашање, би морал да поминам низ делови од истиот<br />
процес за развивање постер. Како и да е, за финалниот<br />
постер би кажал дека тој мора да ги задоволува естетските<br />
и концептуалните критериуми на нашето студио. Накратко,<br />
би рекол дека моменталната состојба воопшто не е црнобела,<br />
туку претставува цел спектар на идеи и ставови, што во<br />
принцип е и главната суштина на таа заедница.