Portret Magazine No 31

ULTRA EUROPE
Фестивалот за електронска музика „Ултра“ е присутен на
глобалната сцена, а како „Ултра Европа“ почнува да се
одржува од 2013 година во Хрватска. Можете да го посетите
во рамките на трите дена во Сплит (од шести до осми јули)
или за најавантуристичките посетители постои и опцијата
„Дестинејшн ултра“, што почнува на петти јули во Сплит,
па следуваат трите официјални вечери на „Ултра Европа“
(шести, седми и осми јули), „Ултра регата“ на Брач на деветти
јули, „Ултра бич“ и „Ултра бич афтер парти“ на Хвар на
десетти јули и „Клоузинг парти“ на Вис на 11 јули. Достапни
се пакет билети за влез и сместување во камп, хотел, хостел
и апартмани.
Кога: од 6 до 8 јули
Каде: Сплит, Хрватска
Како да стигнам до таму: Лет од Скопје до Загреб (1 час и 15
минути), па со воз/автобус (околу шест часа) или уште еден
лет (45 минути) до Сплит.
Влезници: Тридневните билети за „Ултра Европа“ почнуваат
од 129 евра.
Хедлајнери: „Афроџек“, „Чејнсмоукерс“, Дејвид Гета, Алесо,
Армин ван Бурен, Карл Кокс, Диџеј Снејк, Маршмело и др.
WAY OUT WEST
Шведската сцена е домаќин на различен тип изведувачи–
почнувајќи од меѓународни суперѕвезди до локални
музичари, претежно од рок-сцената, изведувачи на
електронска и хип-хоп музика. Петте сцени се поставени во
паркот Слотскоген, каде што, покрај музика, се прикажуваат
и филмски проекции, поставени се и уметнички изложби и
инсталации, како и киосци со храна. Целиот фестивал е во
екоконцепт, па така можат да се купат само вегетаријанска
храна и органски промо-материјали.
Кога: од 9 до 11 август
Каде: Гетеборг, Шведска
Како да стигнам до таму: Со авион до Гетеборг (три часа) и
со јавен превоз уште 20-тина минути до паркот Слотскоген.
Влезници: Блок-билетот за сите три фестивалски дена е 202
евра.
Хедлајнери: „Аркејд фајр“, „Арктик манкис“, Пети Смит, Оги
Поп, Рај, Кендрик Ламар, Бонобо, Зигрид, Фивер Реј, Џорџа
Смит и др.
107