Create successful ePaper yourself
Turn your PDF publications into a flip-book with our unique Google optimized e-Paper software.
ИВО СЕКУЛОВСКИ<br />
КРЕИРАЊЕ НА ФЛУИДНА ВИЗУЕЛНА МЕШАВИНА<br />
ПРИ ФОТОГРАФИРАЊЕТО<br />
Доколку треба да се наврати на своите почетоци,<br />
фотографот Иво Секуловски би ги сместил нив уште во<br />
периодот на основното училиште, кога првпат зел апарат<br />
во рака. Неговиот брат бил љубител на фотографијата и<br />
купил фотоапарат DSLR, што Иво почнал да го користи на<br />
тринаесетгодишна возраст. „Благодарение на брат ми,<br />
кому фотографијата му е хоби и денес, мене ми прерасна<br />
во професија“, вели Секуловски. Бил самоук и учел со<br />
испробување и експериментирање, до 19-годишна возраст,<br />
кога запишува студии по фотографија во Милано. За<br />
време на студиите бил асистент на неколку фотографи, а<br />
по студиите почнува да работи самостојно како независен<br />
фотограф. Денес, најчесто фотографира едиторијали<br />
за модни списанија и издавачки куќи, лични проекти и<br />
комерцијални фотографирања.<br />
„Кога не фотографирам, чувствувам огромно незадоволство<br />
и празнина. Фотографијата за мене претставува медиум<br />
преку кој можам да го искажам и да го пренесам тоа што го<br />
мислам и тоа што го чувствувам. Претставува идеален процес<br />
што ми овозможува да го анализирам она што е околу нас и<br />
да дадам нови визуелни предлози и видувања, а ме тера да<br />
видам работи и нешта што инаку никогаш не би ги видел или<br />
забележал“, вели тој.<br />
Особено обожава да работи на „биполарноста“ на<br />
фотографирањето што се крие меѓу тоа што е вистина и лага,<br />
факт и фикција и играта меѓу двете. „Со други зборови, мојата<br />
работа се состои во интересот за истражување на она што се<br />
смета за фотографски реализам, интуиција и конструирана<br />
фикција. Со комбинации од мртва природа, лични опсесии,<br />
сеќавања и понекогаш автопортрети се обидувам да<br />
создадам еден вид флуидна визуелна мешавина“, додава<br />
Секуловски.<br />
Тој вели дека инспирацијата доаѓа од секаде, од<br />
секојдневните навики, па дури и стереотипи, книги, текстови,<br />
изложби, музеи, истражувања... „Сакам кога нешто навистина<br />
ме вознемирува или ме интригира, така знам дека тоа е она<br />
што сакам да го фотографирам“, завршува тој.<br />
Досега, Секуловски има учествувано на повеќе групни<br />
изложби, но ја издвојува како една од позначајните<br />
изложбата организирана од дизајнерот JW Anderson<br />
минатиот месец во Лондон на која учествуваше и Секуловски<br />
со свои фотографии. Негови фотографии се објавени на<br />
голем број интернет-страници и во многу комерцијални, но и<br />
независни списанија, меѓу кои се: „Хангер ТВ“, проектот „The<br />
Photographic Dictionary“, „Der Greif“, metalmagazine.eu, „Вог“<br />
(Италија), „Ел“ (Британија), „Ел“ (Хрватска), „Флер“ (Италија),<br />
„Факинг јанг!“, дигиталниот магазин „Кактус“ и други.