Create successful ePaper yourself
Turn your PDF publications into a flip-book with our unique Google optimized e-Paper software.
РАСПОЛОЖЕНИ<br />
ЗА ДОБРА КНИГА<br />
„ВРЕМИЊА НА ИГРА. ДЕТСТВО ВО ТРАНСИЛВАНИЈА“ – КЛАУДИУ М. ФЛОРИЈАН [АНТОЛОГ]<br />
Ова дело, опиено од мирисите на детските игри и на убавите спомени, ги опишува настаните поврзани со<br />
едно мешано германско-романско семејство што живее некаде близу градот Брашов во седумдесеттите<br />
години на XX век, видени и пренесени преку очите на едно шестгодишно дете.<br />
Живеејќи помеѓу два различни менталитета, на германските Саси и на романските Олтенци, момченцето се<br />
обидува да ги опише и да ги разбере премрежињата низ кои минале неколку генерации од двете семејства,<br />
притоа опишувајќи ги парадоксите на различните идеологии, култури и религии конфронтирани на различни<br />
нивоа.<br />
За него сите настани се само игри што ги играат, не само децата туку и возрасните, и тоа во домот во кој<br />
живее, на улицата пред куќата, во маалото каде што го поминува времето.<br />
Романот е добитник на престижната награда за литература на Европската унија за 2016 година.<br />
„ТРНЛИВА ВИСТИНА“ – ЕЈЛИН ГОУЏ [КУЛТУРА]<br />
Од авторката на книгата ЖЕНА ВО ЦРВЕНО<br />
Книга исполнета со непредвидливи ситуации и епилог што никој не може да го замисли.<br />
Рејчел и Роуз, сега жени со возрасни деца, конечно се соочуваат со судбината што ги прогонува речиси<br />
половина век кога беа заменети во болницата. Она што сега им се заканува може целосно да им го загорчи<br />
животот и да ги открие длабоко скриените тајни: претстојниот брак на способниот и грижлив син на Роуз<br />
и проблематичната ќерка на Рејчел. Уште еднаш двете жени и нивните семејства се спротивставени едни<br />
наспроти други.<br />
Рејчел дознава дека нејзината мајка, Силви, умира. Само Роуз знае дека Силви е всушност нејзина мајка – и<br />
таа копнее да биде признаена како ќерка на Силви, пред да биде доцна. Роуз ѝ се обраќа на мајка си за<br />
помош. Со изнемоштеното здравје, а сепак силна по дух, Силви мора да избере помеѓу комплицираната<br />
мрежа од лаги... и вистината што ќе ги уништи животите на двете нејзини ќерки – како и на нејзината кревка<br />
внука – пред да почне да се лекува.<br />
„ВЕШТЕРКИТЕ ДЕНЕС“ – КАЛИА ДИМИТРОВА [ТЕМПЛУМ]<br />
„Вештерките денес“ е книга жизнена, силовита, продорна, свежа, нежна, приемчива, заводлива, самосвесна<br />
и нималку климоглава – баш како самата Калиа. Освен тоа, книгата има јасна дикција, непосреден израз и<br />
неприкриен активистички (општествен) ангажман.<br />
Лирскиот субјект во „Вештерките денес“ е самосвесната (горда на својата женскост) млада девојка, бунтарка,<br />
сугестивна, духовита и шармантна – но идентификацијата на читателот сепак не оди толку мазно, зашто Калиа,<br />
склона кон провоцирање и „нарушување на јавниот ред и мир“, на својата почва поставила нагазни мини.<br />
Стилот на Калиа е емотивно реалистичен, со нежни ретки преплетувања на фантастични слики и евокации.<br />
Нејзиниот јазик на моменти е колоквијален и „баналистички“, но интересно е што зад често слаткавата<br />
површина се кријат бруталистички замки. Дражеста наеднаш станува вражесна.<br />
Книгата е прва во новата едиција „300 ветрила!“ на издавачката куќа „Темплум“, посветена на Огнен Чемерски.<br />
„ДЕВОЈКАТА ШТО ПИШУВАШЕ НА СВИЛА“ – КЕЛИ ЕСТИЗ [ТРИ]<br />
На островот Оркас штотуку дипломираната Инара Ериксон го истражува имотот на својата неодамна почината<br />
тетка, која ѝ го оставила во наследство. Случајно наоѓа внимателно скриено, извезено парче свила. Додека ги<br />
разоткрива слој по слој тајните што ги крие тоа, животот почнува да ѝ се испреплетува со животот на Меј Лиен,<br />
младата Кинеска која пред повеќе од еден век била протерана од својот дом. Низ приказните што Меј Лиен<br />
ги раскажува везејќи ја свилата, Инара ја дознава трагичната вистина што длабоко ќе го потресе нејзиното<br />
семејство, а неа ќе ја натера да се осмели на незамислив чекор...<br />
Инспириран од вистински настани, брилијантниот историски роман на Кели Естиз е потресна приказна за<br />
две жени поврзани со времето и судбината. Жени со силен дух и достоинство, цврсто решени да постапат<br />
правилно, независно од цената што треба да ја платат. Зашто додека не се каже вистината за минатото, не<br />
може да се најде спокој во сегашноста.<br />
92<br />
Не запирајте со читањето тука: испратете ни е-пошта со вашите<br />
податоци на contact@portretmag.com и освојте една од книгите погоре.