You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Инспирација<br />
Мартина, најнапред сакам да ви се<br />
заблагодарам што се согласивте отворено<br />
да зборувате за вашата борба со<br />
анксиозноста, депресијата и паничните<br />
напади. Имавте ли пред вашето искуство<br />
некакви предзнаења за ваквите психолошки<br />
состојби?<br />
Искрено, ми требаше малку време за да се<br />
одлучам на ваков чекор и да проговорам<br />
јавно за состојбата во која се наоѓам. Иако<br />
ова е еден вид на „разголување на душата“<br />
и моја приватност, не чувствувам срам и<br />
непријатност да ја споделам мојата „борба“,<br />
онаа што ја води секој можеби петти<br />
човек, бидејќи знаеме дека анксиозноста<br />
претставува проблем на современиот човек.<br />
Би ми било мило ако барем на еден ваш<br />
читател му помогнам да види дека не е сам<br />
и дека анксиозноста и паничните напади<br />
се резултат на динамиката и зголеменото<br />
темпо на живот, односно се составен дел<br />
од животот, но најважно е отворено да се<br />
зборува за тоа. Јас бев многу мала и немав<br />
апсолутно никакви предзнаења, ниту бев<br />
свесна дека постои такво нешто. Затоа,<br />
на почетокот, кога анксиозноста ми беше<br />
непознато чувство, обраќав внимание само<br />
како на физички симптоми и мислев дека<br />
станува збор за некоја моментална состојба,<br />
како слабокрвност, аритмии, висок притисок<br />
и сл.<br />
На 17-годишна возраст првпат се сретнавте<br />
најнапред со физички симптоми на<br />
анксиозност, за да се соочите потоа и со<br />
панични напади. Можете ли подетално да<br />
ни опишете сè што ви се случуваше во тие<br />
први моменти кога не знаевте што ве мачи?<br />
Периодот на адолесценција изобилува со<br />
бурни психички, емоционални и морални<br />
кризи, па затоа, кога ми се појавија<br />
најпрвин психичките знаци за состојба на<br />
анксиозност, лесно губење на трпението,<br />
тешкотии со концентрација, опсесивност,<br />
не го сфаќав толку сериозно, мислејќи дека<br />
е само краток период. Набргу следуваше и<br />
првиот паничен напад, што многу стресно<br />
го доживеав. Срцето ти чука толку силно<br />
што мислиш дека ќе ти излезе од градите.<br />
Се потиш интензивно, губиш рамнотежа, се<br />
бориш за здив и помислуваш дека ќе умреш.<br />
Сето ова трае од 5 до 30 минути, што ти<br />
изгледаат како вечност. Стравувањето дека<br />
пак ќе добиеш паничен напад е причината<br />
што се појавува повторно. И така влегуваш<br />
во оној „магичен круг“ за кој мислиш дека<br />
нема излез. Од моето искуство, не постои<br />
правило, кога, каде и со кој интензитет ќе<br />
добиеш паничен напад.<br />
Бројот на млади луѓе на кои овој проблем<br />
им е секојдневие постојано се зголемува<br />
и тие не добиваат соодветен третман или<br />
пристап. Каков став имаше вашето семејство<br />
и блиските луѓе што ве опкружуваат?<br />
Имав максимална поддршка и од семејството<br />
и од пријателите. Исто како мене, и тие<br />
беа изненадени од сето тоа што ми се<br />
случува и сакаа да помогнат на секој начин.<br />
Нештата нема да се подобрат со „чекање<br />
да помине“. Најдобрата работа што можете<br />
да ја направите доколку се соочувате со<br />
депресија и анксиозност е барање помош<br />
од стручно лице. Многу знаат да кажат дека<br />
никој не може да ти помогне, освен самиот<br />
ти и дека ти управуваш со својот ум. Јас се<br />
согласувам со сето тоа, меѓутоа кога си во<br />
целиот тој хаос, ти треба некој да те наведе<br />
да размислуваш така, да те фокусира на<br />
твојата флексибилност, надеж и потрага по<br />
смислата на твојот живот.<br />
Дополнителен проблем е што кај нас свеста<br />
за нега на менталното здравје и посета на<br />
психотерапевт е мала. Имавте ли проблем,<br />
ви беше ли тешко да опишете како се<br />
чувствувате кога првпат се сретнавте со<br />
ваквиот вид специјалисти?<br />
На почетокот ми беше чудно и цело време<br />
мислев и дополнително си правев тензија<br />
дека ако некој дознае, ќе мисли дека сум<br />
луда, за да сфатам на крајот дека моето<br />
здравје и мојата среќа се поважни од тоа<br />
што мислат другите. Додека се плашев што<br />
ќе си помислат, каде ќе ми се случи, со кого<br />
ќе бидам, сè повеќе самата си ја влошував<br />
состојбата и не бев фокусирана да го решам<br />
проблемот, туку многу повеќе да го скријам.<br />
34