You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Maneira atu halo tukir<br />
1. Konstrui no prepara fatin ahi matan ida<br />
iha liur, prepara ba tukir bainhira tunu/<br />
te’in. (Uza aii ne’ebe foin tesi, ka aii ne’ebe<br />
labele halo motuk lalais.) Tau ahi halo<br />
klaak daudaun ona.<br />
2. Hamoos no fase ikan.<br />
3. Hamoos no fase ingrediente hotu. De’ut<br />
ailia, aimanas, liis mutin no pimenta<br />
musan, no ko’a liis mean halo ki’ik.<br />
4. Kahur hamutuk ingrediente hotu ne’ebe<br />
temi iha etapa 3, no mós kata tahan, ruku<br />
tahan, mera tahan no masin, iha basia<br />
laran. Tau mina depois buti liu.<br />
5. Ko’a hudi tahan halo ki’ik tuir medida<br />
au nian, no tau iha au laran antes enxe<br />
ingridiente no ikan (kada au tenki tau<br />
uluk hudi tahan).<br />
6. Enxe au: tau uluk temperus liman isin<br />
ida, depois ikan ulun ida, uza kesak ka aii<br />
ki’ik hodi kontinua enxe to’o dala 6 (ikan<br />
ulun 6 iha au tukir ida). Tau tan temperus<br />
liman isin ida iha au taka leten.<br />
7. Sadere au tukir ba iha ahi ne’ebe prepara<br />
ona no kontinua bou ahi klaak tan.<br />
9. Kontinua fila ba-mai kada minutu 5-10<br />
to’o suar iha leten laiha ona. Uza aikesak<br />
tu ba tukir no koko ikan tasak ona ka lae.<br />
10. Hasai tukir ne’ebe tasak ona husi ahi<br />
leten no rai iha fatin ruma halo malirin<br />
oituan, depois fera au tukir ho kuidadu<br />
no hasai tau iha bikan ruma depois<br />
prontu ba servida.<br />
Ikan tukir ninia gostu mak han ho etu<br />
tukir husi foos metan. Ida ne’e halo<br />
tuir prosesu ida atu hanesan ho tukir<br />
ikan. Tau uluk hudi tahan ba au laran.<br />
Enxe foos ba au to’o klaran. Depois<br />
fui tan bee to’o nakonu, husik de’it<br />
fatin mamuk 1–2 cm iha leten. Hatuur<br />
tukir iha ahi leten no fila beibeik. Tukir<br />
tenki hatuur iha ahi manas atu nune’e<br />
bele nakali. Koko ho ai kesak naruk –<br />
wainhira bee maran ona ne’e signifika<br />
tukir tasak ona. Hasai tukir husi ahi,<br />
he’in to’o malirin oituan depois fera<br />
no servida.<br />
8. Husik hela to’o minutu 15 hanesan ne’e<br />
depois fila tukir ba sorin seluk halo ahi<br />
klaak kona to’o minutu 15 tan.<br />
Cooking fish and seafood in Timor - <strong>Leste</strong> 109