Gaitasun komunikatiboa eta hizkuntzen arteko elkar eragina EAE-ko ...

EMAITZAK
bajando la niña” (8E), “empieza a comprar, e, empieza a comer” (8E), “decide
comprar uno, unas castañas” (8E).
Hurrengoak zerbait saihestu edo murriztekoak izan dira, hots, mezua ordezkatu
edo bertan behera utzi dutenak.
Hirugarrenik, zerbait atzeratu edo denbora irabaztekoak ditugu, zalantzazko
trikimailu edo taktikak eta norberak esandakoa errepikatzea.
Euskaraz asko erabili diren berregituratzeak gutxitxo erabili dira gaztelaniaz,
lau lagunek baino ez dute erabili: “y que no tiene, el señor le dice que no tiene gasolina”
(8G), “en un salto que le dió le, se cayó encima de un coche” (5E).
Itzulinguruak idaztea ere bi lagunen aukera izan da soilik: “el jefe del coche” (5E),
“donde se echa la gasolina” (5E). Bukatzeko, interakziozko estrategiak pertsona
bakar batek erabili ditu.
Aipatzeko gauza garrantzitsua estrategion erabilera urria da.
Diskurtso Gaitasuna:
a) Eskema formala
Euskarazko narrazioetan legez, gazteek ez diote hasierako egoerari sarbidea abiapuntu
deiktiko, fikziozko edota tematikoarekin eman. Dena dela, aurreikusi dugun
eskema formala ia denek jarraitzen dute. Testu sintetikoegiak, laburtuegiak egin
dituzten bi lagunak lagako genituzke baieztapen honetatik kanpo.
Bestetik, atalen arteko lotura sinplea bezain errepikakorra da. Bi ezaugarriok
ederki adierazten digute testuaren harilkatze formala ez dela euskarazko narrazioetakoa
baino hobea.
b) Ikuspuntu narratiboa
Ikasle guztiek ekintzak baino ematen ez dituen narratzaile objektiboa erabili dute.
c) Erreferentziakidetasuna eta anaforak
Denotazioaren eskutik, izendatze konkretua eta kontzeptualizazio urria dira erreferente
nagusien ezaugarriak.
195