5- orações da sapiência

2 6 4 METAFÍSICA
APÊNDICE 1º
(TEXTO)
Reuerendi admodum Patris Fratris Hieronymi ab Oleastro Lusitani, Praedicatorii
Ordinis [...] Commentaria in Exodum, [...] Olyssipone, ex officina Ioannis Blauii
Coloniensis, 1556.
[3*]
M. Hieronymvs a Brito, Lvsitanvs, Vir Theologvs,
Pio Lectori S.
Non tantum mihi assumo, lector optime, ut existimem posse me facile
de ingeniis et eruditione doctorum hominum iudicare. Verum enimuero
uel huius operis dignitas, uel meum erga illius auctorem studium facit
ut aliquid de illius utilitate ac praestantia dicam, praesertim cum multi
admonendi sint ne ita antiquitatem admirentur ut, si quid commode a
recentioribus explicatum sit, id ne legendum quidem putent. Vt enim
plerique exstiterunt quibus quo aliqua recentiora, eo iucundiora uidentur,
quique nouitatis studio omnia probantur, sic alii sunt qui antiquarum
rerum studiis ita delectantur ut quae uiri huius tempestatis eruditi litteris
mandarunt uituperent ac detestentur, atque adeo ut iam optimae cuique
uirorum studiosorum exercitationi uelint inuidiose detrahere. Quod esse
in causa non dubito ut uiri, bonis artibus exculti et Sacrarum Litterarum
studiosi, quae pro disciplinis illustrandis in lucem edere uoluissent, eorum
perterriti iudicio, iam efficere recusarent. Vtrique iure reprehendendi.
Illorum profecto arrogantia, nam quae ipsi fortasse ignorant, ob idque ad
multitudinis opinionem temerarie reprehendunt, latere maluissent. Istorum
extrema demissio, a magnitudine animi non porro aliena, qui quae doctis
et piis probari intelligunt, eorum iudicia ita formidarunt ut ea in uulgus
edere dubitarent. Itaque hominum deprauata uituperandi libido, quae in
aliorum opera effrenate saeuit, multorum ingenia, ac praesertim Lusitanorum,