Create successful ePaper yourself
Turn your PDF publications into a flip-book with our unique Google optimized e-Paper software.
2 9 4 METAFÍSICA
[3]
Invictissimo Christianissimoqve
Lvsitaniae Regi Ioanni Hvivs Nomine Tertio
M. Hieronymvs a Brito s.
Orationem quam superioribus diebus, ut mos est Academiae, de
disciplinarum laudibus publice habui, rex inuictissime, typis mandare
et in publicum edere uisus sum, eo tamen consilio ut non amicorum
adhortatione (quod, alioqui lateret, maluissem) in uulgus prodiri esset
tribuendum: eorum auctoritati numquam succubui. Non gloriae alicuius
cupiditate captus (nullam enim ex hoc mihi deferendam umquam existimaui),
uerum tua solum beneficentia ductus, quamquam in oculorum iudicium
quam aurium prodire multo sit periculosius. Quantum in suscepto munere
elaborauerim, Celsitudini tuae uel in hunc modum aperirem, ut qui, tuo
munere perfunctus, in hanc tuam florentissimam Conimbricae Academiam
ingenii excolendi gratia me contulerim ibique primis litteris et Logicae et
Philosophiae praeceptis optimis praeceptoribus sim imbutus, tandemque
sacrosanctae Theologiae studium aggressus. Saltem hoc nomine, ut par
erat, tibi uiderer [4] gratulari et pro maximis in tuosque collatis beneficiis
quodammodo gratiam habere. Et uelut flumina quae e mari scaturiunt in
idem semper redire cernimus, sic tibi, litterarum bonarum parenti optimo,
suos ipsa Academia fructus, quorum tu, rex maxime, quasi effector consistis,
in me uno offerre uideretur.
Iam uero, tuo praesidio munitus, eam quam in suscipiendo munere uel
etiam pertractando concepi fiduciam, nunc prodendo publice numquam
deponendam iudicaui, meque in tam uaria hominum iudicia, eorum
praesertim qui quo aliqua recentiora, eo iucundiora esse existimantes, quae
uiri docti comprobarunt solent uituperare, plane intrepidum conieci: ut
quod me ab incepto antea uidebatur retardare, tuae beneficentiae suffultus
amplius iam non formidarem.
Ea igitur hilari fronte et beneuolentia qua omnes e tua Academia fructus
soles recipere, hoc precor munusculum quod non mediocri studio in gratiam
litterarum composui a me suscipias, meque, ut maximis semper beneficiis