You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
2 6 8 JERÓNIMO DE BRITO
hanc diuinam explicandi rationem ex Diuinis Litteris repellendam putant,
magno pietatis fructu studiosis [3* vº] priuant.
Hinc iam poterit intelligi quantum huius Auctoris debeatur, qui omne suum
tempus in fide amplificanda nostrisque animis moderandis transigendum
putauit. Et eum animum, quo erga Deum Optimum Maximum flagrabat,
singulari caritate in proximos, sacris contionibus, declamatorum more,
quibus maxime floruit, semper ostenderit. A quibus, cum propter tot ardua
negotia pro fidei amplitudine ab eo suscepta, dum fidei ac religionis
tractandarum rerum muneri a cardinali amplissimo Henrico, Portugaliae
infanti, praeficeretur, esset praepeditus, istis monumentis Scripturae
claritatem et morum instructionem posteris summa cum laude reliquerit,
ex quo maximam gloriam et famae splendorem est consecuturus.
Precor te igitur, lector humanissime, ut hoc tibi collatum beneficium
Christiano affectu traditum, ea animi alacritate et candore suscipias quo
scis esse oblatum. Aliorum fruere laboribus, quos tibi non minimam credo
utilitatem allaturos.
Bene uale.
Olisipone, 5 Calendis Februarii 1556