libri i mesuesit gjuha 9 ok

Metoda dhe teknika mësimore:
bisedë, shpjegim, punë dyshe,
punë e pavarur, diskutim.
Zhvillimi i mësimit
Hapi I. Shkruhet tema në dërrasë të zezë me shkumës me ngjyrë. Bisedohet me
nxënësit për futjen e fjalëve të huaja në gjuhën shqipe. Theksohet se drejtshqiptimi
dhe drejtshkrimi i këtyre fjalëve bëhet sipas disa rregullave. Sqarohen duke i shkruar
në dërrasë të zezë fjalët:
Drejtshkrim – sistem rregullash për t’i shkruar drejt e njëlloj fjalët në gjuhën letrare.
Drejtshqiptim – sistem rregullash për t’i shqiptuar drejt e njëlloj fjalët në gjuhën letrare.
Hapi II. Hapen librat. Shpjegohet se për shkrimin dhe shqiptimin si duhet të fjalëve, duhet të kemi
parasysh disa rregulla. Këto rregulla u përcaktuan në Kongresin e Drejtshkrimit të gjuhës shqipe, në
nëntor të vitit 1972. U tregohen nxënësve librat, që na vijnë në ndihmë për drejtshkrimin dhe
drejtshqiptimin e gjuhës shqipe:
1. Drejtshkrimi i gjuhës shqipe
2. Fjalori drejtshkrimor i gjuhës shqipe
3. Fjalori i gjuhës shqipe
4. Shqipja standarde (Rami Memushaj)
Hapi III. Paraqitet në dërrasën e zezë një tabelë me:
o fjalë të huazuara nga greqishtja e vjetër, që shkruhen dhe shqiptohen me /d/, /t/ e jo me /dh/, /th/;
o fjalë të huaja, që shkruan e shqiptohen me /l/.
o fjalë dhe emra të përveçëm me burim të huaj, që shkruhen e shqiptohen me /c/.
Diskutohet rreth tyre.
Shkruhen në dërrasë duke përdorur shkumësa me ngjyra rastet e veçanta, që paraqiten në tekst e që
bëjnë përjashtim nga kjo rregull. Në mungesë të tabelës, ecuria metodike e hapit të tretë mund të bëhet
edhe duke përdorur dërrasën e zezë.
Hapi IV. Ushtrime
Punë e drejtuar. Ushtrimi 1
Ushtrimi 2. Zëvendësoni fjalët e huaj me një fjalë gjegjëse shqip.