libri i mesuesit gjuha 9 ok

Hapi III. Punohet rubrika “Vlerësojmë dhe analizojmë tesktin”.
- Kujtoni poezinë në kolonë. Ku ndryshon poezía e vargjeve në kolonë nga poezitë e tjera për nga
struktura?
- Ç’mund të thoni për pyetjet që përdor autori?
A mundet ta ndalosh stuhinë? A nuk vërtitet nga maja e zenitit në fund të detit?
A s’e ushqeva vetë, dhe a s’u rrit për mua?
A nuk janë mpleksur gjethet e kulprit me të miat, Sa nuk mundem t’i dalloj dot nga njëra-tjetra?
- Kujtoni figurën e shpirtëzimit dhe personifikimit. Gjejeni atë në vargjet e Gëtes.
- Si do t’i interpretonit ju vargjet e fundit të poezisë?
- Gjeni kuptimin e fjalës: kulpër. A është përdorur me të njëjtin kuptim edhe në poezi?
Detyrë: Bëni një përshkrim letrar artistik me vargun e fundit për temë.
Tema: Fjalia njëkryegjymtyrëshe – sintaksë
Objektivat: Në fund të orës së mësimit nxënësi të jetë i aftë:
• Të dallojë fjalitë njëkryegjymtyrëshe nga fjalitë dykryegjymtyrëshe.
• Të dallojë llojet e fjalive njëkryegjymtyrëshe (foljore, vetore, pavetore, me vetë
të përcaktuar, me vetë të papërcaktuar, me vetë të përgjithësuar, emërore:
përshkruese e treguese).
• Të ndërtojë një tekst të shkurtër me fjali njëkryegjymtyrëshe.
Metoda dhe teknika mësimore:
bisedë e kombinuar me shpjegim
e diskutim, punë e drejtuar,
punë e pavarur, pema e mendjes.
Zhvillimi i mësimit
Hapi I. Rikujtojmë së bashku. Kërkohet nga nxënësit të thonë:
- dy fjali të thjeshta njëkryegjymtyrëshe,
- dy fjali të thjeshta dykryegjymtyrëshe,
- dy fjali të përbëra.