libri i mesuesit gjuha 9 ok

Hapi I. Mësuesi/ja i njeh nxënësit me temën dhe rubrikën që do të punojnë. Shkruan në tabelë
fjalën INTERVISTA. Tërheq vëmendjen e nxënësve për strukturën e esesë, përmbajtjen, tematikën,
ndërtimin e pyetjeve dhe për veçoritë gjuhësore. Mësuesi/ja i plotëson këto të dhëna në tabelë.
Hapi II. Mësuesi/ja i ka informuar nxënësit se duhet të përzgjedhin dy personalitete të shquara dhe
të marrin informacione rreth tyre. Mësuesi/ja shkruan në tabelë disa rregulla që duhet të mbahen
mend gjatë intervistimit të personalitetit.
1. Duhet të ruani interesin e personit që po intervistoni.
2. Bëni pyetje në atë mënyrë që ju mundëson të merrni përgjigjen që doni.
3. I regjistroni përgjigjet në mënyrë besnike (mund të përdorni regjistrues, shënime).
4. Njerëzit meritojnë të trajtohen me dinjitet.
5. I falënderoni për intervistën që po japin dhe po ju ndihmojnë.
6. Përdorni gjatë intervistimit titujt e tyre.
7. Mos bëni shumë pyetje dhe dëgjojini deri në fund, pa i ndërprerë.
Hapi III. Punë e pavarur:
Nxënësit hulumtojnë me materialet që janë sjellë në klasë:
a) Duke nxjerrë ato të dhëna që janë të nevojshme për zhvillimin e intervistës.
Mësuesi/ja udhëzon nxënësit.
b) Shkruani pyetjet dhe përcaktoni se ku do të përqendroheni: në jetën personale
apo në aktivitetin e tyre.
c) Përdorni foto të personaliteteve nga jeta apo veprimtaria e tyre.
Hapi IV. Nxënësit do të punojnë në fletoret e tyre ose në fletë formati A . Mund të vendosin në të
foto të personalitetit.
Hapi V. Nxënësit lexojnë punimet e tyre dhe shokët vlerësojnë punën e njëri-tjetrit. Në fund të orës
së mësimit, mësuesi mbledh punët e tyre dhe i vlerëson.
Tema: Historia e gjuhës shqipe – kulturë gjuhe
Objektivat: Në fund të orës së mësimit nxënësi të jetë i aftë:
• Të krijojë një përfytyrim historik për shqipen e shkruar.