libri i mesuesit gjuha 9 ok

dhënat mbi pjesët e tekstit dhe me laps shënojnë emërtimin për çdo pjesë dhe paragraf. Më pas,
krahasojnë përgjigjet e tyre me të dhënat në tekst.
Hapi III. Shënojnë në fl etore udhëzimet që duhen ndjekur për të shkruar një tekst argumentues
(kjo veprimtari përfshin një kohë të shkurtër). Mësuesi/ja ndërkohë shpërndan nëpër banka një ese
argumentuese të fotokopjuar, për të cilën nxënësit do të punojnë në çift.
E dashur nënë
Ti e di që po planifi koj të shkoj në universitet vitin që vjen. E di se do të pëlqente që unë më mirë të
rrija në shtëpi dhe të ndiqja ndonjë nga universitetet e vendit, që në të vërtetë janë shumë të mira,
por me ketë rast do të doja të provoja të jetoja larg shtëpisë.
Një nga gjërat që do të fi toja nga largimi, do të ishte përgjegjësia më e madhe, çka e di se të
pëlqen. Do të kem përgjegjësi të kujdesem për veten, të ha, të fl e sa duhet, të mësoj gjithnjë e më
shumë, si dhe të administroj paratë. Kur jam në shtëpi, këto gjëra i lë pas dore, sepse e di që ti do të
jesh gjithmonë aty për të më ndihmuar, çka më pëlqen shumë, por që s‛do të më përgatisë të
përballem me të ardhmen.
Njohja e miqve të rinj ka qenë gjithmonë e rëndësishme për mua dhe, nëse largohem, do të kem
mundësinë të takoj njerëz të rinj. Një nga gjërat që kam vënë re tek ata që studiojnë këtu në
universitet, është: ulesh në auditor, profesori mban leksionin, më pas të gjithë largohen pa i thënë
asnjë fjalë shokëve të kursit. Mendoja se, në një farë mënyre, largimi të detyron të bësh lidhje të
reja. Atje gjen njerëz nga vende të tjera, të cilët nuk njohin njeri. Dikush ka thënë se universiteti
është vendi ku takon miqtë e vërtetë të jetës. Edhe pse e dua shumë qytetin tim, mendoj se ka
ardhur koha të lëviz drejt një mjedisi të ri. Gjithë jetën time kam jetuar këtu, kurrë s‛kam provuar të
jetoj diku tjetër. Ajo çka më pëlqen, është se do të kthehem në shtëpi në pushimet e semestrave dhe
në verë. Në këtë mënyrë s‛do të largohem përfundimisht nga qyteti im dhe në të njëjtën kohë,
do të provoj të jetoj diku tjetër. Kjo do të më përgatisë për ditën kur do të largohem përgjithmonë. E
di se e urren idenë e largimit tim, por është koha që të largohem e të mendoj për të ardhmen. Vajtja
në universitet do të më bëjë më të përgjegjshme e më të pavarur. Përvojat e reja sot, do të
më përgatitin për të ardhmen.
Nxënësit do të përcaktojnë pjesët e tekstit argumentues:
1- Problemi: Po planifi koj të shkoj në universitet larg shtëpisë. 2- Teza: Largimi im mund të jetë i
dobishëm e i vlefshëm.
3- Argumente në favor të tezës: Përgjegjësia më e madhe, njohja e miqve të rinj, do të përgatitem
kur të largohem përgjithmonë.