libri i mesuesit gjuha 9 ok

U kërkon nxënësve të punojnë me tekstin argumentues për të nënvizuar idetë, argumentet, faktet,
provat, shembujt dhe pjesët e tjera të strukturës. Pasi nxënësit diskutojnë për strukturën e tekstit
argumentues, duhet të përqendrojnë vëmendjen te:
- organizmi i ideve (cili është qëllimi?)
- zgjedhja e fjalëve (argumentet e forta)
- drejtshkrimi i fjalëve dhe uniteti gramatikor
Më pas, mësuesi/ja diskuton me nxënësit.
Hapi II. Mësuesi/ja bën përmbledhje të asaj që u diskutua duke drejtuar pyetjen:
- Cilat janë hapat që ndjekim për të shkruar një tekst argumentues?
1) Njohja me problemin dhe tërheqja e vëmendjes së lexuesit me shprehjet e gatshme.
2) Prezantimi i tezës dhe dhënia e argumenteve duke u mbështetur në fakte dhe shembuj.
3) Njohja e antitezës dhe argumentet që mbrojnë antitezën.
4) Përdorimi i një toni bindës duke përdorur shprehje që ulin rolin e autorit.
5) Në mbyllje të tekstit jep përfundimin si ide.
Hapat e shkrimit shënohen në tabelë.
Ora e dytë
Nxënësit ushtrohen për të shkruar tekstin argumentues.
Mund të përdoren temat që janë në tekst apo të zgjidhet një temë që është e prekshme në realitetin
ku jetojnë e punojnë nxënësit. Ata punojnë në fletoret e tyre, në fund udhëzohen të kontrollojnë
punën me hapat që janë shkruar në tabelë.
Nxënësit vlerësojnë punën e njëri-tjetrit.
Tema: Ligjërata e drejtë dhe e zhdrejtë – sintaksë
Objektivat: Në fund të orës së mësimit nxënësi të jetë i aftë:
• Të formulojë përkufizimin e ligjëratës së zhdrejtë.
• Të argumentojë ndryshimet që ndodhin kur një ligjëratë e drejtë kthehet në të zhdrejtë.
• Të dallojë ligjëratat e drejta dhe të zhdrejta në një tekst.
• Të ndërtojë tekste me ligjërata të drejta e të zhdrejta. Të përdorë drejt shenjat e
pikësimit.
Metoda dhe teknika mësimore: