libri i mesuesit gjuha 9 ok

Detyrë: ushtrimi 5. Vazhdoni sipas përfytyrimit tuaj tekstin e dhënë në fillin të mësimit. Vendosini atij
një titull. Përdorni fjalë që kanë në trup të tyre takime të dy zanoreve.
Tema: E marta – Rrahman Dedaj – të lexuarit
Objektivat: Në fund të orës së mësimit nxënësi të jetë i aftë:
•Të lexojë për të identifikuar llojin e lirikës moderne.
• Të zbulojë përmes detajeve të poezisë imazhet që sjell autori.
• Të përshkruajë përmes metaforës konceptin e kohës që rrëmben gjithçka me vete.
• Të përcaktojë efektet muzikore që ndihen në poezi.
• Të zbulojë kuptimet e fshehura nëpërmjet kuptimit fillestar.
• Të analizojë metrikën e poezisë.
• Të komentojë lidhjen ndërmjet poezisë dhe muzikës.
Teknika dhe metoda të mësimdhënies:
lexim i detajuar, punë me grupe, klaster
Zhvillimi i mësimit
Hapi I. Mësuesi/ja i njeh nxënësit me temën që do të punojë dhe autorin. Para se
të lexohet poezia do të kalohet te rubrika “Reflektimi kuptimor”:
1. lexohet dhe, nëse është e nevojshme, sqarohet informacioni;
2. lexohen fjalët e shpjeguara (fjalori).
Hapi II. Mësuesi\ja zgjedh një nxënës që reciton bukur për të lexuar poezinë.
Pyetje: - Ç’lidhje mund të vendosni midis titullit dhe përmbajtjes së poezisë.
- Nga ç’nota përshkohet poezia?
Përgjigjet mund edhe të shkruhen në dërrasë.
Hapi III. Punohen rubrikat për analizën e tekstit.
Pyetja 3. Nxënësit dallojnë ç’lloj marrëdhënieje sheh poeti te fshatarët.
a) marrëdhënie thjesht tregtie
b) marrëdhënie domosdoshmërie