libri i mesuesit gjuha 9 ok

Makina u nis që pa gdhirë. Gazetat i shpërndajnë në mëngjes herët. Këtij fyelli i thonë fyelli i Tanës. Për
Skënderbeun tregojnë shumë legjenda.
Ushtrimi 5. Nënvizoni fjalitë me një gjymtyrë kryesore me vetë të përgjithësuar dhe shpjegoni pse
quhen kështu.
Peshkatari ishte i shkurtër, i thinjur, i thatë e muskuloz. Të binte në sy për energjinë e tij... Njeriut
shikoji shpirtin dhe punën. Kuzhinën e lyejmë më shpesh se dhomat e tjera. Gjak në vetull të merrkeni,
o djemtë e shqipes! Nga lulja e bukur pi ujë edhe qypi. Fëmijët i quajmë lulet e jetës. Ky dialog është i
zhdërvjellët. Dialog quajmë bisedën ndërmjet dy a më shumë personash.
Detyrë: Ushtrimi 6
Tema: Gjymtyrët homogjenë – sintaksë
Objektivat: Në fund të orës së mësimit nxënësi të jetë i aftë:
• Të dallojë gjymtyrët homogjene në fjalinë e thjeshtë e të përbërë.
• Të dallojë llojet e gjymtyrëve homogjene, sipas marrëdhënieve që vendosen
ndërmjet gjymtyrëve të tyre.
• Të përdorë drejt shenjat e pikësimit te gjymtyrët homogjene.
Metoda dhe teknika mësimore:
bisedë e kombinuar me shpjegim,
diskutim e argumentim, punë e drejtuar.
Zhvillimi i mësimit
Hapi I. Rikujtohen së bashku me nxënësit njohuritë për gjymtyrët homogjene.
Nxënësve u drejtohen këto pyetje:
- Ç’dini për gjymtyrët homogjene?
- Cilat gjymtyrë mund të jenë homogjene?
- Me cilat gjymtyrë lidhen: kryefjalët homogjene?
- Po gjymtyrët e tjera?
Nxënësit ndërtojnë fjali që të kenë kryefjalë, kallëzues dhe gjymtyrë të dyta
homogjene.