2016-02

Erotik em
Sejerland
Mir sen he e Seje, e dr Stadt,
do denk ech, he wird doch noch platt geschwatt.
Dröm doo ech mech och net scheniem,
zom Thema EROTIK zu referiern,
ze schwätze wie et woar, on wie et es,
ganz wie mr dr Schnabel gewaase es.
EROTIK EM SEJERLAND, dat Thema es lechte,
doröwwer görret ne Menge Berechte.
So doocht ech, on hatt mech gewaltich geschneere,
och no Woche - totale Leäre.
Ech Ioas zech Bööcher bes deef e de Nacht,
on ha dobi kum moal en Au zogemacht.
De Heimatkalenner va vorn bes henne,
ömmesost — ech konn nix fenne,
det Intelligenzblatt va oarwe bes onne:
ech ha nix öwwer EROTIK gefonne.
Ech woar schoar echt dr Verzweiflung no,
do froute min Babbe:»Wat soochsde da do?»
„Aah, Vadder, du kömmst mr recht bi de Hand,
ech bruch wat öwwer EROTIK EM SEJERLAND.
Ech soll do so›n Art Referat dröwwer mache.»
Foto: Horst Kistner (Bildausschnitt)
„Nä, Jong, goo mr weg met dä schäle Sache.
Spaghetti, Paella on Sushi met Fesch,
dat kömmt bi oos net op de Desch.
Ech esse nur wat mr schoar oase als Jonge:
Riewekooche on Wurschdedonge!
Dat anner Züch es mr alles ze fett,
on wat dr Buur net kennt, dat fressde och net.»
„Ach, Vadder, do hässde mech falsch verstanne,
ech mein, wie dat woar met Dir on dr Mamme.
Häst du als Jong net och römpussiert
on de schörne Mäercher noospioniert?“
„Nää, Jong, dat woar eher ömgekährt.
Wird Zitt, dat dich do moal einer belährt.
Mir Jonge, mir hatten nur Fussball im Kopp,
on dr VFB Wiernau woar domols top.
Doch bim Training hadde mr selten oos Roh,
de Mäercher guckten oos emmer zoh.
Se fänden, - ech heel dat for idiotisch,
oos stramme Baai bim Speel so erotisch.
Hoo do de Mäercherjo selwer kecke,
doch leider e Botze, on net eh Röcke!
30 durchblick 2/2016