View/Open - BORA - Universitetet i Bergen
View/Open - BORA - Universitetet i Bergen
View/Open - BORA - Universitetet i Bergen
Create successful ePaper yourself
Turn your PDF publications into a flip-book with our unique Google optimized e-Paper software.
Utviklinga av skulebyggets form og uttrykk<br />
Skulebygget utforming representerar eit breitt spekter av formuttrykk, alt frå små skulestover<br />
til monumentale byggverk. Dei moderne skuleanlegga frå dei siste hundre åra viser nok den<br />
største skilnaden i form og uttrykk, og det er nettopp desse bygga eg ynskjer å sjå nærare på i<br />
dette kapittelet. Nokon dømer på elde skulebygg frå 1700 og 1800 talet vil fungere som<br />
samanlikningsgrunnlag og historisk bakteppe for dei endringane som skjer ved førre<br />
hundreårskifte. Vidare kan ein så undersøke korleis skulearkitekturens formspråk har utvikla<br />
seg frå tidleg 1900 tal og fram til i dag. Med ein arkitekturanalyse, av dei tidlegare<br />
introduserte skulebygga, som utgangspunkt vil eg prøve å finne likskap og skilnader mellom<br />
anlegga og diskutere kva faktorar som påverkar utviklinga av skulearkitekturen.<br />
Initiativet til allmenn skule og undervisning i Noreg kjem historisk sett frå kyrkja, med Martin<br />
Luther og reformasjonen på 1500 talet. Vi hadde det ein kallar ein kristendomsskule heilt<br />
fram til 1860 med opplæring mot konfirmasjonen som føremål. 14 Ein meir folkeleg- nasjonal<br />
og borgarleg skule tek form etter dette, og den norske skulen har etablert seg både i by og på<br />
landet. Skulens verksemd i form av undervisning og læring trong sjølvsagt<br />
undervisningslokale der elevane kunne samlast rundt eit pedagogisk innhald. På landet fekk<br />
mange born opplæringa si i mindre skulestover heilt fram til midten av 1900 talet. Slike stover<br />
var ofte utforma i tre eller tømmer, og hadde ei<br />
rektangulær form som husa eit lite klasserom og<br />
eit enkelt rom som fungerte som bustad for<br />
læraren (fig. 3). Eit døme på ei slik skulestove<br />
finn vi innanfor sunnfjord museums samling<br />
lokalisert i Sogn og Fjordane. Ei lita kvitmåla<br />
stove, tidlegare i bruk i Guddal, fungerte som<br />
skulebygg for elevar på landsbygda (fig.1).<br />
Interiøret har skulebenkar utført i tre der det er plass til 3-4 elevar per benk. Fig. 1 – Skulestove<br />
Benkane er plassert på rekke og rad føre eit høgt kateter, tavle og ulike plansjar (fig.2).<br />
14 Erling Solerød, Pedagogiske grunnproblemer i historisk lys. (Tano AS 3.opplag, 2004) s. 38-40<br />
11