GJUHE SHQIPE 1-9 perfundimtare - IZHA

17
60% me 40% në klasat 1-6
20 % me 80 % në klasat 7-9 11
Për leximet e teksteve letrare këshillohet të zgjidhen pjesë përfaqësuese nga letërsia
shqipe dhe botërore në përshtatje me moshën dhe zhvillimin e fëmijëve. Këto tekste duhet të
plotësojnë kriteret artistike dhe didaktike të gjatësisë, të strukturës dhe qartësisë së gjuhës.
Këshillohet që nxënësit të lexojnë fragmente dhe vepra nga periudha të ndryshme letrare,
nga letërsia antike deri te ajo bashkëkohore, përfshirë këtu edhe krijimtarinë gojore folklorike.
Njëkohësisht këshillohet që nxënësit të lexojnë dhe analizojnë vepra dhe fragmente nga
gjini të ndryshme letrare. Më konkretisht, në klasat 1- 9 këshillohet të respektohen raportet:
70% prozë, 30% poezi dhe dramë.
Leximet jashtë klase
Për leximet jashtë klase të mbahet parasysh shtojca përkatëse e programeve të gjuhës
shqipe dhe letërsisë. Këshillohet që përgjatë një viti shkollor të zhvillohen 5-6 vepra për
lexime jashtë klase. Orët e leximeve jashtë klase, mësuesit duhet t’i vendosin në planin e tyre
mësimor, kur të bëjnë zbërthimin analitik të programit. Është e rëndësishme që gjatë këtyre
orëve, nxënësve t’ju krijohet mundësia të zgjedhin edhe vepra që janë të pëlqyera e të preferuara
për ta.
Veprat e rekomanduara për lexime jashtë klase duhet të jenë:
nga letërsia shqipe dhe letërsia botërore;
nga autorë të periudhave të ndryshme duke ndjekur parimin kronologjik;
nga gjini dhe lloje të ndryshme letrare.
Përzgjedhja e leximeve jashtë klase nga autorë të ndryshëm, periudha të ndryshme, nga
gjini dhe lloje të ndryshme letrare krijon mundësi për pasurimin e përvojës letrare së nxënësve.
Shënim: Në klasat 7-9, leximet jashtë klase do të zhvillohen në lëndën e letërsisë.
11 Përqindja e vogël e tekstit letrar në klasat 7-9, është e justifikueshme, pasi ky tekst do të studiohet i plotë dhe për
qëllime estetike dhe letrare në lëndën e letërsisë
GJUHË SHQIPE