GJUHE SHQIPE 1-9 perfundimtare - IZHA

4
forma të ndryshme dhe me saktësi gramatikore e drejtshkrimore do t’i ndihmojë nxënësit që të
jenë të suksesshëm edhe në botën përtej shkollës.
Duke lexuar dhe reflektuar mbi një shumëllojshmëri tekstesh letrare e joletrare, nxënësit
zbulojnë botën brenda dhe përreth tyre, ndërtojnë identitetin e tyre. Nëpërmjet teksteve që
lexojnë ose dëgjojnë ata mësohen të çmojnë natyrën, vlerat dhe diversitetin në shoqëri.
Mësimi i gjuhës i orienton nxënësit që të respektojnë trashëgiminë kulturore të njerëzimit, sepse
një pjesë e madhe e kapitalit intelektual dhe shpirtëror të njeriut jeton në gjuhë dhe si gjuhë.
Synimi i lëndës
Mësimi i gjuhës shqipe në arsimin bazë synon që nxënësit:
të zhvillojnë aftësitë për të folur, dëgjuar, lexuar dhe shkruar tekste të llojeve të ndryshme
letrare dhe joletrare, tekste të shtypura dhe elektronike, si dhe të kultivojnë nëpërmjet këtyre
teksteve mendimin kritik e krijues;
të gjejnë, krahasojnë, analizojnë e vlerësojnë informacione nga tekste të ndryshme, t’i
përshtatin ato me qëllime dhe audienca të caktuara, si dhe t’i integrojnë ato me përvojat e
tyre;
të zotërojnë njohuritë, aftësitë dhe qëndrimet e duhura rreth sistemit gjuhësor të shqipes, të
cilat do t’u mundësojnë të marrin pjesë suksesshëm në jetën e përditshme.
Risitë e programit lëndor të Gjuhës shqipe
Ky program është hartuar duke u mbështetur në:
elementet pozitive të programeve tona të mëparshme;
programet e kësaj lënde në vende të ndryshme të Europës;
kornizën e PISA-s 2009. 1
1
Në PISA 2009, fusha kryesore për vlerësim ishte Të lexuarit (Reading)
GJUHË SHQIPE