Hohenzollerische Heimat - Hohenzollerischer Geschichtsverein eV

DR HOLZWURM
S ischt schlimm mit da Leut ond s ischt schlimm mit dr Zeit,
denn d Wealt ischt heut voola Respektlosigkeit.
Au d Tieria sogar haod et vill maih Respekt,
suscht hett ma e'r Kirch et da Holzwurm entdeckt.
Ond hett ma drweaga im Blättle doch it
an langa Artikel verbrocha drmit.
So daß sogar s oifachschte Kirchaliacht woißt,
wo s herkonnt, was machet, des Tier, ond wia s hoißt.
E'r Orgel denn ka-n es am ehnschta verstaoh,
denn do duet dear Kerle sich bläsala lao.
Sitzt na auf dia Flötla ond zuzzlet ond zielt,
wenn s Chor so schö singt ond dr Thedore spielt,
Ond so als dr Stoazinger Hoforganischt
wahrscheinle wohl au schao weng wurmmäßig ischt.
Drum spielt 'r wohl oft au so leirig ond lahm
ond ischt voar dr Kircha duß suscht au so zahm.
Doch des hotjo schliaßle noitzzdeand mit dearn Wurm,
wo nuehlet e'r Orgel ond boahret im Turm.
Im Dachstuehl, do ischt des schao weniger schö,
denn dogohts um d Sparra, ond dia wearat hee!
De'scht et wia bei'n Leuta, wo's maischtens ganz guet
au mit ama Dachsparra weniger duet.
Ond weil des so ischt ond a dringende Sach,
steigt sicher dr Pfarr aos jetzt au bald aufs Dach.
Ondploget aos wieder äll Sonnteg ond milkt
dia Gealdbeutel, bis halt dr Wurm ischt vertilgt.
Bei'r Kanzel, do isch scheints koiSach noh, wo brennt,
weil suscht drauf dear Ma et so rumfuuchtla könnt.
Ond neischla aufs Gleander, so daß do beizeit
da Holzwurm bestimmt de ganz Arbet et freut.
Doch manchmol, do deuchts me au do schao weng lätz,
suscht gäbs drauf et oft so a wurmstichigs Gschwätz.
Dr Wurm macht sich noitz draus ond drum au, i denk,
halt weiter wia suscht: au det dun en da Bänk.
Ganz bsonders, seit do jetzt die Heizong ischt dra,
wo er sich weng pfleaga ond warm halta ka.
Bei'n Mannsbilder kriagt'r jo gratis drzua
d Woch dure noh extra sei butzete Ruah.
S ischt bloß guet, daß dBöda noh guat sind ond nui,
suscht hettat a d Weiber jo lang schao e'n Knui.
Ganz bsonders de sälle, wo ganz guet sind dra
beim Pfarr ond en d Kirch gaod im Abonnema.
Obs zwar graoß vill Weat bot, bezweifla i stark,
denn meischtens isch bloß so a scheiheiligs Weark.
Ondfaltet de sälle am eifrigschta d Händ,
wo nohear so gallig ond giftnudlig sind.
64
Doch des ischt et mei Sach ondgoht mi noitz a,
do ändret bestimmt au der Holzwurm noitz dra.
Der woißt, wie ällz mind auf dr Welt ischt ond mau
ond mürb, denn im Beichtstuehl, do hocket der au.
Ond machet deam Wurm do im Gwissa, deam Stenz,
wo inwendig tiägt, seim Kolleg, Konkurrenz.
Ond loset drbei ond loschoret ond sieht
drum ällaweil au, was so scheiheiliggschieht.
Doch s Schlimmste vo ällam ond s graischte Malör:
Mir haod schao da Holzwurm sogar i'n Altär.
Des ischt et so oifach ond au mit dr Zeit
a Sach, wo oim z schaffet ond z nodenket geit.
Denn wenn ma noitz duet dra ond gucket et drauf,
ka's sei, derfrißt aos de ganz Kirchagschiicht auf.
Drum trag jeder bei, dass dr Herr des verhüet,
ond et aosr Pfarr gao noh arbeitslos wiad.
Ond zoiget au, daß mir im Gstell ond im Grind
noh guet beianand ond et wurmmäßig sind.
Sind luschtig mitnander ond lachat drzua
ond laod jetzt dean Holzwurm, dean arrna, in Ruah.
ANMERKUNGEN
1 Laudatio, vorgetragen beim Festakt am 10. März 2007 im Gemeindehaus
Weckenstein, Storzingen.
2 Dieses Gedicht erschien erstmals in den „Hohenzollerischen
Blättern" vom 9- Februar 1935.
3 A. BUMILLER, Aus dem Zollerland. Plaudereien über Land
und Leute, Sigmaringen (M. Lieners Hofbuchdruckerei)
1949,196 unter dem Gedicht „'s Bauraweib". „Dr Schnailuft"
ebd. 70.
4 B. GERN, Sonnawirbel. Ein Schwäbisches Herbarium, mit
Zeichnungen von Christian Ritter, Reuthngen 1983; DERS.,
Sonnaschei und Reaga. Schwäbische Monatsbilder, mit Zeichnungen
von Christian Ritter, Reuthngen 1985. Alle drei Büchlein
sind noch lieferbar. Christian Ritter starb 2005 im 90. Lebensjahr.
5 B. GERN, Brief an H. Reyhing vom 6.6.1949-
6 Vgl. Schwäbisches Wörterbuch, bearbeitet von Hermann Fischer
Bd. 2, Tübingen 1908, ll69f (s.v. verheiglen); ebd. Bd.
3 (1911) 1345f (s.v. heiglen). Auch dort wird speziell zerzaustes
Haar genannt.
7 B. GERN, Sonnawirbel. Ein schwäbisches Herbarium. Zeichnungen
von Christian Ritter, Reuthngen (Karl Knödler) 1983.
8 B. GERN, Sonnawirbel (s. Anm. 7) 87.
9 Ein „Mäser" ist ein Knorren oder Wurzelstock.
10 GUGGUSELE. Schwäbische Kinderlieder. Mundarttexte von
Bruno Gern mit Bildern von Sr. Maria Innocentia Hummel
und Melodien von Martin D. Loritz, hg. von Martin D. Loritz
und Marius Reiser 2007. Zu beziehen über das Bürgermeisteramt,
Rathausplatz 1,72510 Stetten am kalten Markt.
11 Ich habe das Gedicht behutsam redigiert und um einige
Strophen gekürzt.