2011. urtea - Gernika-Lumoko Euskara Zerbitzua
2011. urtea - Gernika-Lumoko Euskara Zerbitzua
2011. urtea - Gernika-Lumoko Euskara Zerbitzua
Create successful ePaper yourself
Turn your PDF publications into a flip-book with our unique Google optimized e-Paper software.
GERNIKA-LUMO<br />
10. Idazlan Koadernoa<br />
Hau izan liteke ezagutu zireneko erretratua, edo beste asko. Edertasunez<br />
gainezkako irudia, irreala dudarik gabe, baina sormenak eskeitzen digun abantaila<br />
hori ere aprobetxatu beharra dago.Unibiertsitatean kokatu ditudan bi horien<br />
arteko begiradak gero eta maizagoak izango ziren, argitasuna egunean<br />
handiagoa, eta klase amaieran zein hasieran, ate horretantxe, bien arteko distantzia<br />
astero murritzagoa, elkarren sudurrak parez pare geratu arte. Kontuak<br />
kontu, hortik bederatzi hilabetera edo hamar urtera ni jaio nintzen, bien maitasunaren<br />
hazi eta fruitu, eta landa eremuko etxe batean, laztan eta lausenguz<br />
elikatua. Aita, ama baino bost urte nagusiagoa, herrian biologo ezaguna jada<br />
itsas-biologian, eta amak etorkizun oso esperantzagarria zuen.<br />
Etxe hartako berezko eguzkia zen ama. Ezpain finetan ostatu hartutako<br />
irribarreak eztiki akatzen zituen nire gaueko amesgaiztoak eta eztabaidak<br />
ere hala isilarazten zituen, aitari nire ttuttuna emango balio bezala. Eta begiak…<br />
begi beltzaran haiek islatzen zuten bere arimaren purutasuna, ontasuna,<br />
haiek zeukaten ekaitzaren ondorengo eguzki izpien betiereko argitasuna.<br />
Ilea marroixka, luzea, mehea, bizkarraren erdia estaltzen ziona eta<br />
eguzkiak suspertuko balu bezala, udaberriaren etorrerarekin batera argitu<br />
egiten zitzaiona. Txoriek ere berriketari gogotsu ekiten zioten bere aurrean,<br />
ogi puskek baino bere presentziak erakarrita; horrela lortu zituen eguneroko<br />
ogi bezero fidel bezain alaiak. Inguruko etxeetakoek estimu handitan zuten,<br />
eta hasieran sorpresatzat genituen bisitak ohiko egin ziren, sarri, opil edo<br />
pastelen bat zekartelarik. Entzuten jakiteak, zein leunki eta goxoki hitz egiteko<br />
zeukan berezko dohai horrek lilura eta erosotasuna sortzen zituen, eta<br />
mireslerik sutsuena gure aita.<br />
Harmonia hartan idatzi zuen amak bere lehen saiakera Genetika arloan<br />
eta denbora gutxian, ustekabean, egunkari nahiz aldizkari guztiak josi ziren<br />
bere izen eta idazkiz. Egongela laster bihurtu zitzaigun kamerek argiztaturiko<br />
elkarrizketa-gune. Auzokoen poza eta zorion-agurrak are eta sentiberagoak<br />
ziren, sentiberegiak. Alderdi guztietatik besarkadak. Musuak. Barreak.<br />
Egia eta faltsukeria elkarrekin nahasirik, egoera hauetan gertatzen den legez;<br />
deiak telefonora, eta hizketaldiak…bikainetan bikainenak. Han lortzen zuen<br />
bere berezko zirraraz eserlekuetako bakoitza eskuratzea, eszeptikoenak ere<br />
amore ematea, bere begi eta irribarreen ur geza eta gozoetan hondoratzea.<br />
Han txalo zaparradak ziren uholdeen sortzaile, olatuz olatu aretoz areto zeramatenak.<br />
Biologian adituak ez ziren agure zein gazteek gogoz ordaintzen zuten sakeleko<br />
ogerleko bakoitza ama hitz egiten ikusteko, ama kontenplatzeko, eta be-<br />
108
Change language