2011. urtea - Gernika-Lumoko Euskara Zerbitzua
2011. urtea - Gernika-Lumoko Euskara Zerbitzua
2011. urtea - Gernika-Lumoko Euskara Zerbitzua
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
GERNIKA-LUMO<br />
10. Idazlan Koadernoa<br />
bi pertsonari deitu eta ostikoka hasi ziren. Min handia ematen zidan, baina<br />
oraindik min handiagoa ematen zidan pertsona haiek gobernuaren legeak<br />
betearazten zituzten pertsonak zirela pentsatzeak.<br />
Ondoren, nire gorputza mindu eta aulki batean jesarri zuten. Lehengo gizon<br />
bera zen, uniforme berde eta garbi batekin, eta aurpegi itsusi hartan nabarmentzen<br />
zitzaion beltz koloreko bibote harekin. Porra elastiko bat atera<br />
zuen, eta mahai gainean utzi zuen. Nik, izututa, ezer ez nuela egin eta bertatik<br />
ateratzeko eskatu nion, baina ez zidan kasurik egin eta berriro galdera<br />
berdina egin zidan. Nik, erantzun bera eman nion, eta asko haserretu zen.<br />
Porrarekin kolpe bat eman, aulki hartan lotu, eta hurrengo goizera arte han<br />
gelditu nintzen.<br />
Gau osoan ezin izan nuen lorik egin, amesgaizto hura noiz bukatu zain<br />
nengoen, baina ametsetan ez da mina sentitzen; han, ordea, mina benetakoa<br />
zen, benetakoa eta handia.<br />
Ez zegoen alde handirik, goizaren eta gauaren artean, leihoak zarratuta<br />
zeuden, baina argi-izpi gutxi batzuk sartzen ziren leihoaren saretik. Argiizpi<br />
haiek ziren nire esperantza mantentzen zuten argia, momentu hartan ni<br />
iluntasunean bainengoen, eta iluntasunetik ateratzeko, askotan nahiko izaten<br />
dira argi-izpi batzuk.<br />
Goizean, berriro etorri zen gizon hura, baso erdi ur eta gaileta bat eman,<br />
eta joan egin zen. Ni gose nintzen, eta dena jan nuen, formula bateko ferrari<br />
bat bide zuzen batean doan abiaduran. Gelaren kanpoaldean, barre algarak<br />
entzuten nituen. Zer ote zen galdetzen nion nire buruari, baina nire buruak<br />
ez zeukan erantzunik eta horrek amorruz betetzen ninduen.<br />
Ordu bete pasatu nuen gela ilun horretan, eta pixkanaka buruko mina<br />
etorri zitzaidan, gero eta min handiagoa sentitzen nuen, azkenean buruak<br />
eztanda egingo zidala uste nuen eta oihuka hasi nintzen. Orduantxe gogoratu<br />
nintzen ur baso harekin; nola edo hala, droga antzeko bat bota zidaten uretara,<br />
eta buruko min ikaragarria sentitzen nuen. Guardia zibilak, barrez lehertzen<br />
sartu ziren inkomunikazio-gela deitzen zioten kartzela txiki hartara, eta<br />
lurrera bota ninduten. Lurrean nengoela, bost bat galdera egin zizkidaten,<br />
denak nik erantzun ezinezkoak, eta lehenengo ukabilkadarekin, droga hura<br />
efektua egiten hasi zen: aluzinazioak edukitzen hasi nintzen. Jende ezaguna<br />
ikusten nuen nire alboan, poliziek lehen baino askoz beldur handiagoa ematen<br />
zidaten eta ezin nintzen zutik jarri. Poliziek gero eta galdera gehiago eta<br />
gero eta kolpe gogorragoak ematen zizkidaten.<br />
60