2011. urtea - Gernika-Lumoko Euskara Zerbitzua
2011. urtea - Gernika-Lumoko Euskara Zerbitzua
2011. urtea - Gernika-Lumoko Euskara Zerbitzua
Create successful ePaper yourself
Turn your PDF publications into a flip-book with our unique Google optimized e-Paper software.
D.B.H. eta BATXILERGOA<br />
ZORIONTASUNAREN PREZIOA<br />
Ez dago ia argirik, ezta aulkirik ere, eta zutik egon behar dugu denbora<br />
guztian. Gainera, josteko makinek beldurra ematen didate, hain dira handiak<br />
eta orratz luze horiekin...<br />
Egia esateko, zaila egin zitzaidan hauek maneiatzen ikastea, baina zortea<br />
eduki dut, nire amari hiru atzamar falta zaizkio. Nahiz eta berari ez esan nazka<br />
apur bat ematen dit bere eskua begiratzeak, eta behin baino gehiagotan<br />
ikusi ditut gauza okerragoak, besoan eta aurpegian ere zauri ezin itsusiagoak.<br />
Gainera, ziur nago oso mingarriak zirela; horregatik, beti esaten diot Haixari<br />
kontuz edukitzeko hor behean. Bestalde, horrenbeste denbora hor sartuta<br />
igaro ondoren, ia-ia ilunetan, begietan mina sentitzen dut hurrengo goizean<br />
eguzkia ikustean. Ez diot nire arrebari horrelakorik opa baina amatxok behar<br />
du eta ez daukagu beste irtenbiderik.<br />
Nik, orain, kaxak lekuz aldatzen egiten dut lan, horregatik bizkarreko minez<br />
nabil azken aldian. Aitonak esaten zidan horretan lanik ez egiteko bestela<br />
ez nintzela haziko… Baina zoritxarrez ez digute lana aukeratzen uzten. Ezin<br />
nekagarriagoa da denbora guztian arropaz edo zapatez betetako kaxak leku<br />
batetik bestera eramatea, baina beno entretenigarriagoa iruditzen zait, behintzat<br />
eguzkia senti dezaket batzuetan.<br />
Okerrena nagusiak dira. Uneoro dituzu zure ingurutik, paseatzen, begirada<br />
handikoiz begiratzen zaituztela, beraien irribarre inozoekin, leher egin<br />
arte guri oihuka. Egun batzuetan jo ere egiten gaituzte. “Azkarrago, alferrontziok!<br />
Ez duzue ezertarako balio!”, “Tira, inozo halakook!”… Pikutara<br />
bidaliko nituzke gustura, baina ez naiz ausartzen, inor ez da ausartzen.<br />
Ondo pentsatuta, lana amets gaizto bat bezalakoa da, ez dut gogoko horrela<br />
bizitzea, alternatibarik dagoen pentsatu dut askotan. Amari galdetu nion<br />
eta honek irribarrez laztandu zidan ilea, ez zuen ezer esan. Gau horretan negar<br />
zotinka entzun nuen eta orduz gero ez diot berriro galdetu, ez dut ama<br />
sufritzen ikusi nahi.<br />
Alternatibarik balego… Lanean nagoen bitartean, askotan esna amesten<br />
geratzen naiz, eta futbolean jolasten nagoela imajinatzen dut, pilota batekin,<br />
porteriak eta guzti; mundiala izango litzateke egun oso bat behintzat horrela<br />
igaro ahal izatea.<br />
Haixa, ama eta ume berriarekin hemendik urrun joatea gustatuko litzaidake,<br />
agian existitzen ez den lekuren batera, hain gogor lan egin behar ez<br />
den leku batera; guretzako denbora gehiago izango genuke. Etxe handi bat<br />
97