2011. urtea - Gernika-Lumoko Euskara Zerbitzua
2011. urtea - Gernika-Lumoko Euskara Zerbitzua
2011. urtea - Gernika-Lumoko Euskara Zerbitzua
Create successful ePaper yourself
Turn your PDF publications into a flip-book with our unique Google optimized e-Paper software.
GERNIKA-LUMO<br />
10. Idazlan Koadernoa<br />
zebilen, oso urduri, ezintasunez. Ana Mariren etxera joatea otu zitzaion ea<br />
bere gizona bertan zen edo Pederikorekin itsasoan, galdetu beharra zeukan<br />
atsekabea nare zekion.<br />
Ana Mari hemen al dun hire senarra Eta honek ezetz, itsasoan omen<br />
zegoen. Orduan nahigabetuta andereak kairantz abiatu ziren. Gizonak<br />
biak omen zeuden Pederikoren batelikuan, Kixkirena kaiari amarratuta<br />
baitzegoen. Kofradiako sirena jo zuten herri guztia jakitun egon zedin,<br />
eta gizonek, badaezpada, itsasotik zerbait entzuteko aukera izan zezaten.<br />
Baina alperrik. Herriko marinelak eta hauen andere batzuk hurreratu ziren<br />
portura; denak jarri zituzten jakinaren gainean. Gizonek Pankrazi eta Ana<br />
Mari lasaitzeko animoak emateari adoretsu ekin zioten. Horiek bai gizonak,<br />
horiek! Horrelakoak jada gutxi aurkituko ditugu.<br />
Gaua zen, elizako kanpandorrean bederatziak puntuan ziren eta kanpaiak<br />
beti bezala bederatzi aldiz jo zuen. Isiltasuna zen herrian nagusi, itsasoa<br />
mugimenduan. Pankrazi eta Ana Marik marinelei zerbait egiteko esan zieten,<br />
beraien esku zegoen guztia, baina alferrik. Marinelek ezin zuten euren bizia<br />
arriskatu ekaitz bortitz harekin itsasora irtenaz. Izan ere, oso arriskutsua zen.<br />
Itxarotea da dugun aukerarik zentzuzkoena- esan zuen Pellok, marineletako<br />
batek. Emakumeek, lasaitu ezinik eta negar malkotan, buruaz baietz egin<br />
zuten.<br />
Andre batzuk etxera bueltatu ziren, baita euren senarrak ere. Kofradian<br />
Pello, Markel eta Sabino geratu ziren bi emakume arduratuei laguntasuna<br />
eskaintzen. Ekaitza gero eta indartsuagoa zen. Haize bolada harroa zekarren<br />
eta euria hasi zen. Marinelek lasaitzeari jardun zioten euria zekarrela eta<br />
itsasoa baretuko zela esanez. Hala ere, Pankrazi oso gaizki sentitzen zen, Ana<br />
Mari bezala. Gaueko hamarrak jo zuten. Berriro entzun zituzten kanpaiak.<br />
Itsasotik ez zen inoren aztarnarik ageri, itsasargiak ere ez zuen askorik<br />
argitzen gainera.<br />
Gauak aurrera egin zuen heinean, itsasoaren indarrak behera egin zuen.<br />
Gaitz erdi! Marea beherantz zihoan. Gauerdiko kanpaiak entzun ziren.<br />
Pederikok eta “Kixki”k sei ordu zeramatzaten itsasoan galdurik, edo etxera<br />
bueltatu gabe behintzat. Kofradian Pello eta bi andere penatuak geratu ziren.<br />
Atertu egin zuen bat-batean eta haizea gelditu. Kaira hurbildu ziren berriro<br />
hirurak. Pederikoooo!!!! – oihukatu zuen Pankrazik eta albotik - Andoni!!!!!!!-<br />
egin zuen txilio Ana Marik. Kixki ezizena zen, etxean bere izenez deitzen zion<br />
gizonari , normala denez. Baina ez zuten erantzunik jaso.<br />
114