2011. urtea - Gernika-Lumoko Euskara Zerbitzua
2011. urtea - Gernika-Lumoko Euskara Zerbitzua
2011. urtea - Gernika-Lumoko Euskara Zerbitzua
Create successful ePaper yourself
Turn your PDF publications into a flip-book with our unique Google optimized e-Paper software.
D.B.H. eta BATXILERGOA<br />
OTSOAREN OIHUAK<br />
baino ez zioten bota urari. Oso baxu zegoen. Inor ez zen salto egitera ausartzen.<br />
Denak zeuden bata bestearen zain. Halako batean Gaizkak aurrera egin<br />
zuen. Gaizka taldeko zaharrena zen. Eta ausartena. Denak geratu ziren uretara<br />
begira, Gaizka ausartiari zer gertatu zitzaion jakiteko nahian. Gutxira,<br />
burua atera eta oihuka hasi zen:<br />
- Ura oso ondo dago ! Zergatik ez duzue salto egiten<br />
Esaldia bukatu bezain laster denek salto zuten tropelean. Denak… Gorkak<br />
izan ezik. Uretatik barreak eta garrasiak entzuten hasi ziren: “ Kakati! Kakati!”.<br />
Baina bera ez zen salto egiten ausartzen. Ur gutxiegi zegoela iruditzen<br />
zitzaion. “ Kakati! Kakati!” Orduan zeruan argitzen zuen ilargi bete handi<br />
hari begiratu zion.<br />
Gizaki orok basapizti bat gordetzen du bere barnean, une konkretuetan<br />
azaltzen dena eta behin azaltzean gorputza eta burua guztiz aldatzen dituena.<br />
Ilargi bete hark Gorkaren barneko otsoa piztu zuen. Eta pentsatu barik kakatiak<br />
abiadura hartu eta salto egin zuen. Justu momentu hartan, olatu bat<br />
etorri berria zen eta uraren maila gehiago jaitsi zuen. Gorkak ura eta lurra ia<br />
batera jo zituen. Erabat geldirik geratu zen. Kakati oihuak isildu egin ziren.<br />
Bat-batean mugimendua sumatu zen Gorkaren gorputzean. Lagunak<br />
hurbildu zitzaizkion. “Ez ditut hanka sentitzen” oihukatzen zuen Gorkak.<br />
Uretatik atera eta bazter batera eraman zuten. Bertan, masaje batzuk eman<br />
zizkioten. Denbora gutxira hankak mugitzen hasi zen. Denek hartu zuten<br />
arnasa lasai, bereziki Gorkak. Eta, noski, salto egiten jarraitu zuten. Gorka<br />
kakatiak ere bai. Bazekien ia elbarri geratu zela, baina gaztea zen. Sustoak<br />
ahaztu egiten dira.<br />
Eta orain han zegoen bere etxean, balkoitik itsasoari begira. Bizitzak ironia<br />
ugari ezkutatzen dituela otu zitzaion. Eta irribarre hits batekin bere gurpil-aulkiari<br />
eragin zion gelara iritsi arte.<br />
Bere logelako egutegira begiratu zuen. Azaroak 26. Boligrafoz markaturiko<br />
eguna. Bere beso gihartsuekin lagundurik gurpilei bultza egin eta armairura<br />
arte joan zen. Ateak zabaldu eta arropak aukeratu zituen. Beltzak. Urtero<br />
bezala. Egun hark eskatzen zuen bezala. Beltza da sentimendu tristeenak<br />
eta mingarrienak ondoen adierazten dituen kolorea. Egun hartarako aproposena.<br />
Bost urtetan eskuratutako trebeziaz baliatuz, jantzi egin zen astiroastiro.<br />
Giltzak hartu, atea itxi eta igogailuan jaitsi zen. Ehun bat metrotara<br />
55