1.001.01a agním īḻe puróhitaṃ yajñásya devám ṛtvíjam - Linguistics
1.001.01a agním īḻe puróhitaṃ yajñásya devám ṛtvíjam - Linguistics
1.001.01a agním īḻe puróhitaṃ yajñásya devám ṛtvíjam - Linguistics
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
1.187.04c diví vā́tā iva śritā́ḥ ‖<br />
1.187.05a táva tyé pito dádatas táva svādiṣṭha té pito |<br />
1.187.05c prá svādmā́no rásānāṃ tuvigrī́vā iverate ‖<br />
1.187.06a tvé pito mahā́nāṃ devā́nām máno hitám |<br />
1.187.06c ákāri cā́ru ketúnā távā́him ávasāvadhīt ‖<br />
1.187.07a yád adó pito ájagan vivásva párvatānām |<br />
1.187.07c átrā cin no madho pitó 'ram bhakṣā́ya gamyāḥ ‖<br />
1.187.08a yád apā́m óṣadhīnām pariṃśám āriśā́mahe |<br />
1.187.08c vā́tāpe pī́va íd bhava ‖<br />
1.187.09a yát te soma gávāśiro yávāśiro bhájāmahe |<br />
1.187.09c vā́tāpe pī́va íd bhava ‖<br />
1.187.10a karambhá oṣadhe bhava pī́vo vṛkká udārathíḥ |<br />
1.187.10c vā́tāpe pī́va íd bhava ‖<br />
1.187.11a táṃ tvā vayám pito vácobhir gā́vo ná havyā́ suṣūdima |<br />
1.187.11c devébhyas tvā sadhamā́dam asmábhyaṃ tvā sadhamā́dam ‖<br />
1.188.01a sámiddho adyá rājasi devó devaíḥ sahasrajit |<br />
1.188.01c dūtó havyā́ kavír vaha ‖<br />
1.188.02a tánūnapād ṛtáṃ yaté mádhvā yajñáḥ sám ajyate |<br />
1.188.02c dádhat sahasríṇīr íṣaḥ ‖<br />
1.188.03a ājúhvāno na ī́ḍyo devā́m̐ ā́ vakṣi yajñíyān |<br />
1.188.03c ágne sahasrasā́ asi ‖<br />
1.188.04a prācī́nam barhír ójasā sahásravīram astṛṇan |<br />
1.188.04c yátrādityā virā́jatha ‖<br />
1.188.05a virā́ṭ samrā́ḍ vibhvī́ḥ prabhvī́r bahvī́ś ca bhū́yasīś ca yā́ḥ |<br />
1.188.05c dúro ghṛtā́ny akṣaran ‖<br />
1.188.06a surukmé hí supéśasā́dhi śriyā́ virā́jataḥ |<br />
1.188.06c uṣā́sāv éhá sīdatām ‖<br />
1.188.07a prathamā́ hí suvā́casā hótārā daívyā kavī́ |<br />
1.188.07c yajñáṃ no yakṣatām imám ‖<br />
1.188.08a bhā́ratī́ḻe sárasvati yā́ vaḥ sárvā upabruvé |<br />
1.188.08c tā́ naś codayata śriyé ‖<br />
1.188.09a tváṣṭā rūpā́ṇi hí prabhúḥ paśū́n víśvān samānajé |<br />
1.188.09c téṣāṃ naḥ sphātím ā́ yaja ‖<br />
1.188.10a úpa tmányā vanaspate pā́tho devébhyaḥ sṛja |<br />
1.188.10c agnír havyā́ni siṣvadat ‖<br />
1.188.11a purogā́ agnír devā́nāṃ gāyatréṇa sám ajyate |<br />
1.188.11c svā́hākṛtīṣu rocate ‖<br />
1.189.01a ágne náya supáthā rāyé asmā́n víśvāni deva vayúnāni vidvā́n |<br />
1.189.01c yuyodhy àsmáj juhurāṇám éno bhū́yiṣṭhāṃ te námaüktiṃ vidhema ‖<br />
1.189.02a ágne tvám pārayā návyo asmā́n svastíbhir áti durgā́ṇi víśvā |<br />
1.189.02c pū́ś ca pṛthvī́ bahulā́ na urvī́ bhávā tokā́ya tánayāya śáṃ yóḥ ‖<br />
1.189.03a ágne tvám asmád yuyodhy ámīvā ánagnitrā abhy ámanta kṛṣṭī́ḥ |<br />
1.189.03c púnar asmábhyaṃ suvitā́ya deva kṣā́ṃ víśvebhir amṛ́tebhir yajatra ‖
Change language