1.001.01a agním īḻe puróhitaṃ yajñásya devám ṛtvíjam - Linguistics
1.001.01a agním īḻe puróhitaṃ yajñásya devám ṛtvíjam - Linguistics
1.001.01a agním īḻe puróhitaṃ yajñásya devám ṛtvíjam - Linguistics
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
1.027.08c vā́jo asti śravā́yyaḥ ‖<br />
1.027.09a sá vā́jaṃ viśvácarṣaṇir árvadbhir astu tárutā |<br />
1.027.09c víprebhir astu sánitā ‖<br />
1.027.10a járābodha tád viviḍḍhi viśé-viśe yajñíyāya |<br />
1.027.10c stómaṃ rudrā́ya dṛ́śīkam ‖<br />
1.027.11a sá no mahā́m̐ animānó dhūmáketuḥ puruścandráḥ |<br />
1.027.11c dhiyé vā́jāya hinvatu ‖<br />
1.027.12a sá revā́m̐ iva viśpátir daívyaḥ ketúḥ śṛṇotu naḥ |<br />
1.027.12c ukthaír agnír bṛhádbhānuḥ ‖<br />
1.027.13a námo mahádbhyo námo arbhakébhyo námo yúvabhyo náma āśinébhyaḥ |<br />
1.027.13c yájāma devā́n yádi śaknávāma mā́ jyā́yasaḥ śáṃsam ā́ vṛkṣi devāḥ ‖<br />
1.028.01a yátra grā́vā pṛthúbudhna ūrdhvó bhávati sótave |<br />
1.028.01c ulū́khalasutānām ávéd v indra jalgulaḥ ‖<br />
1.028.02a yátra dvā́v iva jaghánādhiṣavaṇy/ kṛtā́ |<br />
1.028.02c ulū́khalasutānām ávéd v indra jalgulaḥ ‖<br />
1.028.03a yátra nā́ry apacyavám upacyaváṃ ca śíkṣate |<br />
1.028.03c ulū́khalasutānām ávéd v indra jalgulaḥ ‖<br />
1.028.04a yátra mánthāṃ vibadhnáte raśmī́n yámitavā́ iva |<br />
1.028.04c ulū́khalasutānām ávéd v indra jalgulaḥ ‖<br />
1.028.05a yác cid dhí tváṃ gṛhé-gṛha úlūkhalaka yujyáse |<br />
1.028.05c ihá dyumáttamaṃ vada jáyatām iva dundubhíḥ ‖<br />
1.028.06a utá sma te vanaspate vā́to ví vāty ágram ít |<br />
1.028.06c átho índrāya pā́tave sunú sómam ulūkhala ‖<br />
1.028.07a āyajī́ vājasā́tamā tā́ hy ùccā́ vijarbhṛtáḥ |<br />
1.028.07c hárī ivā́ndhāṃsi bápsatā ‖<br />
1.028.08a tā́ no adyá vanaspatī ṛṣvā́v ṛṣvébhiḥ sotṛ́bhiḥ |<br />
1.028.08c índrāya mádhumat sutam ‖<br />
1.028.09a úc chiṣṭáṃ camvòr bhara sómam pavítra ā́ sṛja |<br />
1.028.09c ní dhehi gór ádhi tvací ‖<br />
1.029.01a yác cid dhí satya somapā anāśastā́ iva smási |<br />
1.029.01c ā́ tū́ na indra śaṃsaya góṣv áśveṣu śubhríṣu sahásreṣu tuvīmagha ‖<br />
1.029.02a śíprin vājānām pate śácīvas táva daṃsánā |<br />
1.029.02c ā́ tū́ na indra śaṃsaya góṣv áśveṣu śubhríṣu sahásreṣu tuvīmagha ‖<br />
1.029.03a ní ṣvāpayā mithūdṛ́śā sastā́m ábudhyamāne |<br />
1.029.03c ā́ tū́ na indra śaṃsaya góṣv áśveṣu śubhríṣu sahásreṣu tuvīmagha ‖<br />
1.029.04a sasántu tyā́ árātayo bódhantu śūra rātáyaḥ |<br />
1.029.04c ā́ tū́ na indra śaṃsaya góṣv áśveṣu śubhríṣu sahásreṣu tuvīmagha ‖<br />
1.029.05a sám indra gardabhám mṛṇa nuvántam pāpáyāmuyā́ |<br />
1.029.05c ā́ tū́ na indra śaṃsaya góṣv áśveṣu śubhríṣu sahásreṣu tuvīmagha ‖<br />
1.029.06a pátāti kuṇḍṛṇā́cyā dūráṃ vā́to vánād ádhi |<br />
1.029.06c ā́ tū́ na indra śaṃsaya góṣv áśveṣu śubhríṣu sahásreṣu tuvīmagha ‖
Change language