1.001.01a agním īḻe puróhitaṃ yajñásya devám ṛtvíjam - Linguistics
1.001.01a agním īḻe puróhitaṃ yajñásya devám ṛtvíjam - Linguistics
1.001.01a agním īḻe puróhitaṃ yajñásya devám ṛtvíjam - Linguistics
Create successful ePaper yourself
Turn your PDF publications into a flip-book with our unique Google optimized e-Paper software.
1.075.01a juṣásva sapráthastamaṃ váco devápsarastamam |<br />
1.075.01c havyā́ júhvāna āsáni ‖<br />
1.075.02a áthā te aṅgirastamā́gne vedhastama priyám |<br />
1.075.02c vocéma bráhma sānasí ‖<br />
1.075.03a kás te jāmír jánānām ágne kó dāśvàdhvaraḥ |<br />
1.075.03c kó ha kásminn asi śritáḥ ‖<br />
1.075.04a tváṃ jāmír jánānām ágne mitró asi priyáḥ |<br />
1.075.04c sákhā sákhibhya ī́ḍyaḥ ‖<br />
1.075.05a yájā no mitrā́váruṇā yájā devā́m̐ ṛtám bṛhát |<br />
1.075.05c ágne yákṣi sváṃ dámam ‖<br />
1.076.01a kā́ ta úpetir mánaso várāya bhúvad agne śáṃtamā kā́ manīṣā́ |<br />
1.076.01c kó vā yajñaíḥ pári dákṣaṃ ta āpa kéna vā te mánasā dāśema ‖<br />
1.076.02a éhy agna ihá hótā ní ṣīdā́dabdhaḥ sú puraetā́ bhavā naḥ |<br />
1.076.02c ávatāṃ tvā ródasī viśvaminvé yájā mahé saumanasā́ya devā́n ‖<br />
1.076.03a prá sú víśvān rakṣáso dhákṣy agne bhávā yajñā́nām abhiśastipā́vā |<br />
1.076.03c áthā́ vaha sómapatiṃ háribhyām ātithyám asmai cakṛmā sudā́vne ‖<br />
1.076.04a prajā́vatā vácasā váhnir āsā́ ca huvé ní ca satsīhá devaíḥ |<br />
1.076.04c véṣi hotrám utá potráṃ yajatra bodhí prayantar janitar vásūnām ‖<br />
1.076.05a yáthā víprasya mánuṣo havírbhir devā́m̐ áyajaḥ kavíbhiḥ kavíḥ sán |<br />
1.076.05c evā́ hotaḥ satyatara tvám adyā́gne mandráyā juhv/ yajasva ‖<br />
1.077.01a kathā́ dāśemāgnáye kā́smai devájuṣṭocyate bhāmíne gī́ḥ |<br />
1.077.01c yó mártyeṣv amṛ́ta ṛtā́vā hótā yájiṣṭha ít kṛṇóti devā́n ‖<br />
1.077.02a yó adhvaréṣu śáṃtama ṛtā́vā hótā tám ū námobhir ā́ kṛṇudhvam |<br />
1.077.02c agnír yád vér mártāya devā́n sá cā bódhāti mánasā yajāti ‖<br />
1.077.03a sá hí krátuḥ sá máryaḥ sá sādhúr mitró ná bhūd ádbhutasya rathī́ḥ |<br />
1.077.03c tám médheṣu prathamáṃ devayántīr víśa úpa bruvate dasmám ā́rīḥ ‖<br />
1.077.04a sá no nṛṇā́ṃ nṛ́tamo riśā́dā agnír gíró 'vasā vetu dhītím |<br />
1.077.04c tánā ca yé maghávānaḥ śáviṣṭhā vā́japrasūtā iṣáyanta mánma ‖<br />
1.077.05a evā́gnír gótamebhir ṛtā́vā víprebhir astoṣṭa jātávedāḥ |<br />
1.077.05c sá eṣu dyumnám pīpayat sá vā́jaṃ sá puṣṭíṃ yāti jóṣam ā́ cikitvā́n ‖<br />
1.078.01a abhí tvā gótamā girā́ jā́tavedo vícarṣaṇe |<br />
1.078.01c dyumnaír abhí prá ṇonumaḥ ‖<br />
1.078.02a tám u tvā gótamo girā́ rāyáskāmo duvasyati |<br />
1.078.02c dyumnaír abhí prá ṇonumaḥ ‖<br />
1.078.03a tám u tvā vājasā́tamam aṅgirasvád dhavāmahe |<br />
1.078.03c dyumnaír abhí prá ṇonumaḥ ‖<br />
1.078.04a tám u tvā vṛtrahántamaṃ yó dásyūm̐r avadhūnuṣé |
Change language