Wewe Maisha Yako Ndoto Zako - Family Care International
Wewe Maisha Yako Ndoto Zako - Family Care International
Wewe Maisha Yako Ndoto Zako - Family Care International
Create successful ePaper yourself
Turn your PDF publications into a flip-book with our unique Google optimized e-Paper software.
90<br />
WEWE, MAISHA YAKO, NDOTO ZAKO<br />
Kama una mapenzi ya kweli na mtu, mtaheshimiana. Hamtafanya kitu chochote kitakacho<br />
muumiza mmoja wenu. Hutamlazimisha mwenzako kufanya kitu chochote ambacho hakipendi.<br />
Utataka awe na furaha. Linganisha mapenzi yako na pointi hizi:-<br />
•<br />
•<br />
•<br />
•<br />
•<br />
Mapenzi yanakufanya wewe na unayempenda kujisikia vizuri mwenyewe na kila mmoja wenu.<br />
Mapenzi ni uaminifu, kujaliana na ukweli.<br />
Mapenzi ni heshima na hadhi<br />
Mapenzi hayaruhusu mtu mmoja kumtumia mtu mwingine.<br />
Mapenzi hayaweki ngono mbele kabla ya urafiki na kamwe mapenzi yasiwe sababu ya<br />
kufanya ngono isiyo salama.<br />
Mapenzi ya kweli yanahusisha hisia ya kuwajibika na kujihusisha kwa watu wengine. Ni hisia<br />
inayotafuta mambo mazuri kwa ajili ya mtu mwingine. Mapenzi hayakasirishi, yana uvumilivu<br />
wala hayana maana ya kushikanashikana. Mapenzi hayana kinyongo. Watu wengine wanadhani<br />
wivu ni dalili ya mapenzi, Si kweli; wivu ni dalili ya kutojiamini na kutoamini kuwa unajali.<br />
Wivu si dalili ya mapenzi. ni dalili ya kutojiamini.<br />
Hata hivyo wakati mwingine wivu ni dalili ya matatizo makubwa zaidi. Kwa mfano, wivu ni dalili<br />
ya kuwa mtu anataka kumdhibiti mtu mwingine. Mahusiano mengi ya unyanyasaji (wanaume<br />
wanapiga wake zao au wanaume wanaobaka marafiki zao wa kike) wanaanza na tabia ya wivu,<br />
ambayo hujengeka kuwa mbaya.<br />
KuPuMbaZiKa<br />
cathy, kutoka uganda (umri wa miaka 17)<br />
“Hisia zangu haziji kwa haraka. Hii ni kwa sababu wakati wote<br />
ninataka kumjua mtu ambaye ananivutia vizuri zaidi. Ninazionyesha<br />
hisia zangu baada ya kuridhika kwamba hayupo<br />
kunitumia bali kwa mahusiano ya kweli.”<br />
Wakati mwingine inakuwa vigumu kufahamu kama mapenzi yenu ni ya kweli. Moyo unadunda na<br />
unajisikia kukosa pumzi na kizunguzungu unapomwona mvulana au msichana fulani.<br />
Unadhani lazima ni mapenzi yanakupa kiwewe! Lakini unapomfahamu mvulana au msichana<br />
huyo, hisia zinatoweka ghafla, na hujisikii kuvutiwa tena na mtu huyo. Hivyo ilikuwa<br />
kupumbazika.<br />
Kupumbazika hakuna ubaya na ni kitu cha kawaida tu. Ukweli ni kwamba vijana balehe<br />
wengi hupumbazika. Kupumbazika kunaweza kusisimua, kufurahisha na hatari isiwepo,<br />
kupumbazika hakugeuki kuwa mahusiano. Unaweza ukawa umepumbazika na mtu na<br />
usitake kuwa na mahusiano naye. Unaweza kufurahi kwa kumtamani kwa mbali. Hiyo ni<br />
sawa tu.<br />
Kuachana KiMaPenZi<br />
SURA YA 8 | URAfIKI NA MApENZI<br />
naana, kutoka Ghana (umri wa miaka 17)<br />
“Ninafahamu kwamba unapompenda mtu unafanya kile<br />
kilicho<br />
kizuri sana kwa ajili yake na kuwa na yale yote<br />
yanayompendeza moyo wake. Lakini sijawahi kumpenda mtu.<br />
Ninaweza kusema nimewahi kuwahusudu baadhi ya wavulana,<br />
lakini kamwe sijawahi kupenda.”<br />
Sio kila mapenzi hudumu daima. Hisia za kupenda zinaweza kutoweka haraka kama<br />
zinavyokuja, lakini vile vile zinaweza kuwa za kweli na zenye nguvu.<br />
Wakati mwingine, jinsi mnavyokua watu wazima wewe na rafiki yako mnaweza mkajikuta<br />
mmeachana. <strong>Ndoto</strong> zenu zinawachukua njia tofauti. Mtajikuta yale mnayopendelea<br />
yamebadilika na mnakosa cha kuzungumza. Hamcheki tena pamoja kama mlivyozoea.<br />
Sio vizuri kwa afya yako kihisia kuwa katika mahusiano wakati hakuna mapenzi.<br />
Inahuzunisha na inaweza kuwa vigumu hususani kama mmoja wapo bado ana hisia za<br />
kupenda wakati mwingine hajisikii kabisa.<br />
Iwapo unataka kuvunja mahusiano, kuwa mkweli kuhusu sababu zinazofanya kuvunja<br />
mahusiano. Vile vile kuwa na huruma na mfikirie rafiki yako. Jaribu kutomuumiza, lakini<br />
wakati huo huo maliza mahusiano hayo– usimwache aendelee kutegemea au kufikiria<br />
kwamba utabadilisha mawazo yako.<br />
Iwapo rafiki yako atakuacha, inaumiza sana. Ni vigumu kuacha kufikiria kwamba labda<br />
atabadilisha mawazo kukurudia. Inaweza kuwa vigumu kuamini kwamba hakupendi tena.<br />
Unaweza kujisikia mpweke sana na uliyekataliwa.<br />
Jipe muda wa kumudu maumivu.Usikimbilie kutafuta mahusiano mapya na mtu mwingine<br />
ili ujisikie nafuu. Hata kama utakasirika na kuumia usimlaumu mtu mwingine na kamwe<br />
usieneze uvumi au hadithi mbaya kuhusu mwenzi wako wa zamani. Hizi sio njia nzuri za<br />
kuchukua kwa mtu aliye komaa.<br />
Kupoteza marafiki na kupata marafiki wapya ni sehemu ya maisha. Hatimaye utapata<br />
mpenzi wa kweli ambaye mtaishi naye, hivyo vumilia. Kwa wakati huu lenga katika kuwa<br />
mtu mwenye huruma na anayependeka. Ukijipenda, ni rahisi kupenda watu wengine na<br />
wewe mwenyewe kupendwa.<br />
91