Wewe Maisha Yako Ndoto Zako - Family Care International
Wewe Maisha Yako Ndoto Zako - Family Care International
Wewe Maisha Yako Ndoto Zako - Family Care International
Create successful ePaper yourself
Turn your PDF publications into a flip-book with our unique Google optimized e-Paper software.
92<br />
WEWE, MAISHA YAKO, NDOTO ZAKO<br />
Sura ya 8<br />
urafiki na mapenzi<br />
Urafiki mzuri na mahusiano mazuri yanakusaidia ujisikie vizuri. Marafiki wazuri<br />
wanakusaidia kutatua matatizo, kukuonyesha mawazo mapya na kushiriki na wewe<br />
katika ndoto za maisha yako ya baadaye.<br />
Wakati mwingine watu unaofikiria ni marafiki zako wanaweza kukushinikiza kufanya<br />
jambo ambalo hulitaki, kama vile kujamiiana au kula madawa ya kulevya. Hii tunaita<br />
shinikizo la kundi rika. Mtu yeyote anayekushinikiza ufanye jambo ambalo hutaki<br />
kulifanya sio rafiki mzuri. Usiruhusu mtu yeyote akakushinikiza ufanye jambo ambalo<br />
unajua ni makosa na ni hatari kwako.<br />
Marafiki wazuri wanaweza wakawa wa jinsi moja au jinsi nyingine. Wavulana na wasichana<br />
wanaweza kuwa marafiki bila ya kuwa na mahusiano ya kimapenzi. Maneno<br />
“rafiki wa kiume” au “rafiki wa kike” sio lazima yamaanishe kwamba mahusiano ni ya<br />
kimapenzi. Marafiki wa jinsi tofauti wanaweza kuwa na urafiki wa karibu na kupendana<br />
sana bila ya ngono.<br />
Inaweza ikawa vigumu kuelewana na mtu wa jinsi nyingine kwa sababu wavulana na<br />
wasichana hawana uhakika nini mwingine anataka katika mahusiano. Kumbuka, watu<br />
wengi – wavulana na wasichana – wanataka mambo yanayofanana katika mahusiano.<br />
Wanataka heshima, uaminifu, ukweli, kuelewana na kujali.<br />
Kama unamtaka msichana au mvulana unayempenda, jaribu kuvuta subira na kuwa<br />
mkweli. Kuwa mwema. Toka, nenda ukamwone. Kama anaelekea kupenda nia yako,<br />
mwombe kama mnaweza kwenda kushiriki shughuli fulani kwa pamoja.<br />
Kujenga mahusiano mazuri kunachukua muda na uvumilivu. Ngono sio njia nzuri ya<br />
kujenga mahusiano. Ukweli ni kwamba ngono inaweza kuharibu mahusiano. Kujamiiana<br />
haina maana ya kwamba watu wawili wanapendana au urafiki wao ni wa karibu sana.<br />
Ngono bila urafiki wa kweli ni hatari kwa afya yako na moyo wako.<br />
Kumpenda mtu ni jambo nzuri sana, mapenzi yanakufanya ujisikie vizuri mwenyewe na<br />
mtu mwingine. Furahia hisia lakini usikimbilie jambo lolote. Kumbuka mapenzi yanahusu<br />
heshima na kujaliana. Mapenzi hata siku moja yasiwe sababu ya kufanya jambo<br />
ambalo litaweka afya na maisha yako ya baadaye hatarini. Mapenzi hayawezi kuwa<br />
kisingizio cha kufanya ngono isiyo salama.<br />
Mahusiano hayadumu milele. Kama ukiachwa, sio vizuri kulazimisha mahusiano. Kuwa<br />
mkweli kwa rafiki yako, lakini kuwa na huruma na umfikirie pia. Jaribu usiumize hisia<br />
zake.<br />
Kama mtu amekuacha, unaweza kuhuzunika sana na kujisikia mpweke. Lakini usikate<br />
tamaa. Siku moja utampata mtu mwingine sahihi wa kumpenda. Jipe muda wa kustahimili<br />
ulichopoteza. Usikimbilie mahusiano mapya na usieneze uzishi kuhusu mtu huyo.<br />
Ujinsia Na Ngono<br />
Kuna utata mwingi sana kuhusu neno ujinsia (sexuality) na kujamiiana. Watu wengi wanafikiri<br />
ujinsia maana yake ni kujamiiana. Wengine wanafikiri kwamba huwezi kuwa binadamu hai<br />
mwenye ujinsia na mwenye hisia za kimapenzi hadi uanze kujamiiana.<br />
Imani hizi si za kweli; kila mtu anao ujinsia tangu<br />
kuzaliwa hadi kufa.<br />
Kuwa na ujinsia kunaweza kumaanisha:<br />
•<br />
•<br />
•<br />
•<br />
•<br />
•<br />
•<br />
Kujisikia unavutia na mwili wako<br />
umejengeka vizuri.<br />
Kujisikia mwenye hisia za kuwa karibu na<br />
mtu fulani.<br />
Kufurahia kuguswa na kukumbatiwa.<br />
Kujishika mwili wako mwenyewe.<br />
Kuvutiwa na mtu mwingine.<br />
Kufikiria hadithi za kimapenzi akilini<br />
mwako.<br />
Kuwa na mawazo au hisia za kimapenzi.<br />
Wakati wa ujana balehe ndio muda ambao<br />
unaweza kuutambua zaidi ujinsia wako -<br />
unavyojisikia, unavyofikiri, unavyojiheshimu<br />
kama mvulana au msichana, na unachokitaka<br />
kuhusu uhusiano wa karibu au pendo la mtu.<br />
Ulipokuwa mdogo pengine hukufikiria kuhusu<br />
mambo haya lakini wakati wa ujana, unaweza<br />
kuanza kufahamu maana ya kuwa mwanaume<br />
au mwanamke. Pia unaweza kuanza kuvutiwa<br />
na watu wengine na kuanza kuona hisia za<br />
kimapenzi, matamanio na ndoto.<br />
UNAJUA maana ya “Ujinsia”?<br />
Ujinsia ni suala lenye utata kueleweka. Ni<br />
zaidi ya kujisikia hisia za kimapenzi au<br />
kujamiiana. Ujinsia ni pamoja na:<br />
•<br />
•<br />
•<br />
•<br />
•<br />
Kufahamu na kuwa na hisia kuhusiana<br />
na mwili wako na miili ya watu wengine.<br />
Uwezo wako na nia ya kuwa karibu na<br />
mtu mwingine.<br />
Uelewa wako kuhusu nini maana ya<br />
kuwa mwanamke au mwanaume.<br />
Hisia za mvutano wa kijinsia na watu<br />
wengine.<br />
Uwezo wako kimwili wa kuzaa.<br />
Ujinsia ni muhimu, unafurahisha, na ni<br />
sehemu ya asili ya kuwa mtu. Lakini wakati<br />
mwingine watu wanatumia ujinsia wao<br />
katika namna isiyofaa kwa kushawishi,<br />
kuamuru au kutania watu wengine. Hii ni<br />
pamoja na kuonyesha mapenzi kwa mzaha,<br />
upotoshaji na unyanyasaji kijinsia kama<br />
kubaka/kunajisi n.k. Usitumie ujinsia kama<br />
kifaa cha kupata kitu au kunyanyasa au<br />
kumuumiza mwingine.<br />
93<br />
SURA YA 9