Gjuha shqipe 7

Gjuha Shqipe 7
Rezultatet e të nxënit të kompetencave të
fushës sipas temës mësimore:
Nxënësi/ja:
-lexon pjesën për ta kuptuar atë;
-formulon një pesëvargësh me fjalën kyçe;
-flet shkurtimisht për autorin e pjesës;
-dallon argumentet që mbështesin tezën;
- interpreton efektin që krijojnë frazat në
gjuhën e argumentimit;
-dallon frazat ku shprehen fakte dhe opinione;
-argumenton këndvështrimin e tij për temën.
Burimet: teksti mësimor, fotografi, shkrime
për atdheun, videoprojektor.
Metodologjia dhe veprimtaritë e nxënësve
-Pesëvargëshi -INSERT -Punë e pavarur
Fjalët kyçe:
-atdheu;
-i shtrenjtë;
-i lartë;
-dielli;
-mirënjohës;
Lidhja me fushat e tjera ose me temat
ndërkurrikulare:
Shkencat shoqërore
Historia
Lidhja e temës me njohuritë e mëparshme të nxënësve:
Ndërtoni një pesëvargësh me fjalën: atdheu
Ndërtimi i njohurive të reja: INSERT
Shkurtimisht për autorin: Lukiani lindi rreth viti 120 të erës së re, në qytetin Samosata të Sirisë dhe
vdiq në Egjipt rreth vitit 190. Ishte orator i famshëm, i njohur për natyrën e mprehtë të shkrimeve të
tij satirike. Fama e tij, megjithatë, është e lidhur kryesisht me dialogjet me përmbajtje morale,
filozofike dhe fetare karakterizuar nga një stil satirik dhe polemik, djegës sidomos ndaj cinikëve. Ai u
përkushtua në mbledhjen e historive dhe legjendave të traditës greke.
Pas leximit të pjesës së Lukianit “Atdheu”, nxënësi/ja rrethoni shkronjën V, kur pohimet
përputhen me tekstin dhe, në rastin e kundërt, shkronjën G.
Nxënësit punojnë me shenjat e tabelës INSERT në fletore dhe pasi e përfundojnë atë, e
kategorizojnë duke e përmbledhur me fjalët e tyre çdo koncept që kujtojnë ose mësojnë rreth tekstit
argumetues.
Kujtojmë: Teksti argumentues ka si qëllim të bindë lexuesin për një çështje të caktuar
nëpërmjet fakteve, shembujve, provave dhe gjykimeve praktike. Autori i një teksti
bindës formulon një çështje, e cila shfaqet e gatshme për lexuesin ose është e
nënkuptuar. Çështja është një pohim, një ide kyçe, mbi të cilën ndërtohet i gjithë
teksti. Vërtetësia e kësaj çështjeje dhe argumentimi rreth saj varen nga opinionet e
autorit, argumentet që ai sjell për ta mbështetur atë dhe për ta bindur lexuesin.
Mësojmë: Teza është një pohim në të cilin shprehet një gjykim a parim, vërtetësia e
të cilit duhet provuar e duhet argumentuar;
Argumenti është arsyetim që përdoret për të vërtetuar ose për të kundërshtuar një
mendim; provë që sillet për të mbrojtur (argument pro) ose për të hedhur poshtë
diçka (argument kundër).
√ + – ?
Nxënësit e dinë
informacionin që po
lexojnë
Informacioni i ri
për nxënësit
Nxënësit e
dinin ndryshe
informacionin
e ri
Informacioni
që nuk arrin ta
kuptojë
143