Gjuha shqipe 7

Gjuha Shqipe 7
dhënë edhe shembuj të tjerë, të ngjashëm me ato të librit.
Si do t’i formulojmë rregullat e drejtshkrimit për rastet në libër?
a- Vendosim gjithmonë presje para lidhëzave kundërshtore dhe përmbyllëse.
b- Ndahen me presje lidhëzat bashkërenditëse shtuese dyfishe (jo vetëm...por edhe)
dhe lidhëzat shtuese e veçuese, të përsëritura (as...as, o...o, ose...ose, ja...ja.)
c- Ndahen me presje fjalitë e bashkuara pa lidhëza.
d- Ndahen me presje fjalitë e varura me lidhëzat nënrenditëse.
Hapi i pestë- punë në grupe
Në grupe dyshe, nxënësit zhvillojnë lojën mësimore: një nxënës thotë rregullin, tjetri jep
shembujt; këmbejnë rolet: ai që tha shembujt, thotë rregullin e kështu me radhë.
Hapi i gjashtë- punë në grupe
Ndahen nxënësit në 4 grupe dhe në tabelë shkruajnë me bojëra uji 4 rregullat e përdorimit të
presjes dhe i afishojnë në muret e klasës dhe qëndrojnë aty gjatë gjithë orëve të drejtshkrimit.
3. Prezantimi dhe demonstrimi i rezultateve të arritura:
Hapi i shtatë-punë e pavarur
Ushtrimi 1, klasa e shkruan saktë tekstin në fletore, qortojnë gabimet me njëri-tjetrin në
përdorimin e pikës, presjes, shkronjën e madhe.
hapi i tetë-punë në grupe
Ushtrimet 2, 3, 4, nxënësit i plotësojnë në libër në grupe dyshe, mësuesi kontrollon punën e
tyre. I përsëritin rastet e përdorimit të presjes.
Hapi i nëntë- punë në grupe
Ushtrimin 5, nxënësit në grupe dyshe punojnë me pjesën”Sekreti i shtëpisë në ishull” që e
kanë në tekst, nënvizojnë rastet e përdorimit të presjes dhe thonë cilit rregull i përkasin. Pasi
mbarojnë, lexojnë rastet, argumentojnë mendimet.
Zgjidhja e ushtrimeve:
Ushtrimi 1; Nuk do të ndodhë asgjë. Kjo vlejti si përgjigje për dyshimet e Arbenit. Fundja,
unë kërkoj nga ju të më ndihmoni. Sidoqoftë, plaku doli nga spitali dhe ai mbeti sërish vetëm.
Por të mos harrojmë se kishte lënë pas hijen e trupit të tij të gjatë me energjinë dhe dëshirën
për t’u kthyer medoemos pranë bletëve. Meqë mbeti vetëm në dhomë, filloi të ëndërronte.
Ushtrimi 2; bashkërenditëse kundërshtore; shtuese e përsëritur; e nënrenditur rrjedhimore; hyn
në mes të një fjalie; shtuese e përsëritur.
Ushtrimi 3; Guri pëlcet, po njeriu s’pëlcet.(kundërshtore).
Le çanta që na humbi, por na morën edhe çelësat.(shtuese, lidhëza dyshe).
Vetëm të vinte me ne, pa të bëhej ç’të bëhej.(bashkërenditëse përmbyllëse).
Ishte e pamundur që të ecnim në atë rrugë, prandaj i ramë gjatë. (fjali e përbërë me tri
pjesë).
Shoqja e saj, megjithëse ishte e sjellshme, nuk më pëlqeu.(futet në mes pjesa e varur ).
Ndonëse ishin bllokuar rrugët, ushqimet dhe barnat erdhën shpejt.( fjalia e varur, para
kryesores).
Ushtrimi 4; shtuese e përsëritur; shtuese dyshe; fjalia e varur në mes të pjesës kryesore;
bashkërenditëse kundërshtore.
Rezultatet e të nxënit sipas kompetencave të fushës:
Përdorimi i drejtë i gjuhës: Nxënësi përdor presjen, duke respektuar të gjitha rastet e dhëna në
libër, i shkruan saktë në fjali apo në një tekst që krijon vetë.
223