Gjuha shqipe 7

Libër Mësuesi
Fabula
Përralla
Rrëfimi i shkurtër.
Në vargje ose në prozë.
Ka kuptim të fshehur me nota satirike.
Ka pak hollësi.
Ka moral.
Rrëfimi i gjatë.
Shkruhet në prozë.
Ka shumë hollësi.
Ka formula të gatshme të hyrjes dhe
mbylljes.
Elemente fantastike
Kanë personazhe kafshë
Hapi I- Lexim i drejtuar. Nxënësit lexojnë bukur, të ndarë në role fabulat. Gjatë leximit nënvizojnë dhe fjalët e
reja e më pas i shpjegojmë ato.
Koprrac – njeri dorështrënguar.
Kallëp floriri – copë druri a metali në një formë katërkëndore.
Dekika - minuta.
Sukë – vend i ngritur mbi një fushe, kodër e ulët.
Shullë – vrimë nga del uji i mbledhur në një gropë.
Kuturis – u ngatërrua.
Hienë – kafshë e egër gjitare me trup si të ujkut.
Hapi II Punë me tekstin – Praktikë e drejtuar
Kuptojmë tekstin: 1. Më poshtë, janë renditur disa fjali që japin informacion rreth temave të fabulave të
mësipërme. Ju duhet të gjeni se kujt I përket secila prej tyre, duke shkruar në krah numrin e fabulës
përkatëse.
Në të vërtetë, princin e vrau luani ______ (Djali dhe mbreti i pikturuar – Ezopi )
Ndonjëherë fiton ai që reziston më shumë dhe jo më i shkathëti, më i shpejti._____ ( Breshka dhe lepuri )
Nëse pasurinë nuk e përdor, e humbet._____ (Koprraci dhe floriri i tij – Ezopi )
Kur je i pikëlluar, edhe shpagimi i gënjeshtarit të ndihmon ______( Hakmarrja e leopardit )
Hapi III- Interpretimi dhe gjuha e tekstit: Praktikë e pavarur
Mesazhi i një krijimi letrar është ideja, mësimi, morali që përcillet te lexuesi.
2. Fabulat e përcjellin mesazhin përmes humorit. Shpjegoni rolin e gjuhës humoristike duke e ilustruar me
shembuj nga fabulat më lart.
Fabula e parë: Kur ishe aty, ti në të vërtetë nuk e kishe, sepse nuk e përdore as edhe një herë.
Fabula e dytë: ( dy paragrafët e fundit )
Fabula e tretë: ( Jo,gabohesh,- tha më në fund. Nuk e kanë bërë elefantët, por dhitë. Dhitë e vranë tim bir!
Fabula e katërt: ( Breshka eci gjithë ditën…)
3. Mesazhet e fabulave vijnë në formën e një zinxhiri me fjalë kyçe. Gjeni nga tri fjalë kyçe për secilën
fabul.
a. Koprrac,kallëp floriri,thesarin e fshehur;
b. Mbret,djalë,luan,pikturë,ëndërr gënjeshtare;
c. Lepur,breshkë, kaçube, qëndresë;
d. Leopard,elefant,hienë,shkel,këlysh,klithmë.
Vlerësimi i nxënësve mbështetet në përgjigjet që kontrollojnë të kuptuarin e pjesës, interpretimin e saj
kuptimor, si dhe formulimin e mesazhit.
Detyrat : Gjeni një fabul tjetër dhe interpretoni mesazhet dhe këshillat e saj.
80