Gjuha shqipe 7

Libër Mësuesi
-mban mend receta dhe shpjegime në lidhje me përgatitjen e
një plani pune apo instruksione për realizimin e një
prezantimi.
Burimet: mjete te teknologjisë, CD, regjistrime në video,
teksti mësimor.
Lidhja me fushat e tjera ose me
temat ndërkurrikulare:
Teknologjia
Qytetaria
Biologjia
Metodologjia dhe veprimtaritë e nxënësve
-Parashikim me terma paraprake -Punë e pavarur -Punë në grupe
ZHVILLIMI I ORËS SË MËSIMIT
I. Veprimtari paraprake
Hapi i parë – (Parashikim me terma paraprake)
Mësuesi/ja kërkon që nxënësit të vërejnë me kujdes ilustrimet e mësimit dhe më pas u kërkon
të parashikojnë se për çfarë bëhet fjalë duke i orientuar dhe përdorur edhe termat të tilla, si:
shënim, udhëzim, recetë, projekt, prezantim. Mësuesi/ja u kërkon të ndërtojnë një histori të
udhëhequr nga të vërejturit e ilustrimeve dhe termave që u dha për ndihmë. Ato mësuesi mund t’i
shkruajë edhe në dërrasën e zezë. Nxënësit për pak minuta ndërtojnë historitë e tyre në lidhje me
kërkesën e bërë nga mësuesi.
II. Zhvillimi i situatës
Hapi i dytë – Dëgjim dhe punë e pavarur
Mësuesi/ja shfaq një regjistrim nëpërmjet CD, në lidhje me ilustrimet e dhëna dhe kërkon që
nxënësit të mbajnë shënime në fletore për ato që dëgjojnë. Më pas, për çdo figurë ata duhet të
shkruajnë poshtë çdo ilustrimi atë që kanë dëgjuar për secilin prej tyre. Këtu kontrollohet
vëmendja gjatë dëgjimit dhe niveli i të kuptuarit të materialit përmes të dëgjuarit.
Hapi i tretë -Punë në grupe
Mësuesi/ja i ndan nxënësit në grupe dyshe dhe i fton të dëgjojnë një regjistrim tjetër në lidhje
me disa shpjegime apo instruksione për mënyrën sesi mbillet një pemë. Secili nxënës në grup
mban shënimet e tij. Më pas i qartësojnë dhe i rendisin sipas radhës dhe mënyrës së përdorimit.
Njëri prej grupit e prezanton materialin. Në shënimet e mbajtura ata duhet t’i përgjigjen pyetjeve;
− Cili është veprimi i parë që bëhet para se të mbillni një pemë?
− Cila është koha më e mirë për ta mbjellë?
− Si duhet të veproni për ta përgatitur tokën për të mbjellë?
− Cili është udhëzimi i fundit që dëgjuat ?....etj.
I. Përforcim njohurish
Hapi i tretë - Punë në grupe dyshe
Mësuesi/ja kërkon që nxënësi të dëgjojnë me vëmendje përsëri një regjistrim, apo lexim nga
ana e saj, të disa udhëzimeve që duhet të ndiqen për një recetë gatimi. Së pari kërkon që pas
dëgjimit nxënësit të shkruajnë saktësisht përbërësit e recetës, më pas veprimet që bëhen për
realizimin e saj. Ajo kërkon si detyrë që ta zbatojnë në shtëpi, duke zbatuar udhëzimet dhe
veprimtaritë praktike të njohura përmes dëgjimit.
48