Gjuha shqipe 7

Libër Mësuesi
Tema 2: Fjalët e prejardhura, të përbëra dhe të përngjitura
Fusha: Lënda: Tematika:
Shkalla: III
Gjuhësia Gjuha shqipe Fjalëformimi
Klasa: VII
Tema mësimore:
Fjalët e prejardhura, të përbëra dhe
te përngjitura
Metoda e teknika:
Puna në grup;
Puna e pavarur;
Loja gjuhësore.
Fjalë kyçe:
fjalë e prejardhur me
parashtesë, me
prapashtesë, me para +
prapa shtesë njëkohësisht,
fjalët e përbëra, të
përngjitura
Metodologjia dhe veprimtaritë e nxënësit
1. Lidhja e temës me njohuritë e mëparshme:
Hapi i parë- kllaster
Jepen në tabelë fjalët; shkronjë, punë, dorë dhe nx. thonë fjalë të tjera që të kenë këto
morfema rrënjore:
-shkronjë: shkronjor, shkrim, përshkrim, shkruaj, dorëshkrim etj.
-punë: punoj, punim, përpunim, ripunim, punësim, punëdhënës etj.
-dorë: dorëzoj, dorëzim, përdor, dorezë, dorështrënguar etj.
Këto fjalë kanë formuar familje fjalësh. Si janë përftuar?
Hapi i dytë- punë e pavarur
Për familjet e fjalëve, nxënësit japin kuptimin e çdo fjale, duke i përdorur në fjali, pra janë
përftuar fjalë të reja me ndihmën e parashtesave dhe prapashtesave, por edhe duke u bashkuar
dy morfema rrënjore.
2. Ndërtimi i njohurive të reja:
Hapi i tretë- INSERT punë në grupe
Nxënësit lexojnë informacionin e dhënë në libër për temën e re dhe përsëritin në dyshe
*ç’janë parashtesat, prapashtesat, mbaresat,
dallojnë fjalët e prejardhura me parashtesë,
dallojnë fjalët e prejardhura me prapashtesë,
dallojnë fjalët e prejardhura me para + prapashtesë.
Dallojnë fjalët e përbëra dhe të përngjitura
INSERT
+ e di V e re - E di ndryshe ? Dua të di
Hapi i katërt- lojë zinxhir
Me lojën zinxhir nxënësit përsëritin parashtesat e prapashtesat që janë dhënë në tabelë, japin
edhe fjalë të reja të formuara me to.
Mësuesi ndalet në fjalët e përngjitura dhe drejtshkrimin e tyre (sidomos të ndajfoljeve, të
numërorëve, të parafjalëve). U dikton nx. 10 fjalë t’i shkruajnë në fletore dhe ata kontrollojnë
punën e njëri-tjetrit, si i kanë shkruar.
3. Prezantimi dhe demonstrimi i rezultateve të arritura:
Hapi i gjashtë-Punë e pavarur
Ushtrimi 2, 3, i punojnë dy nxënës në dërrasë, sipas kërkesave të ushtrimeve.
Hapi i shtatë- punë në grupe
Ndërkohë klasa në grupe dyshe punojnë me shkrim në fletore ushtrimet 5, 6, (sipas
kërkesave).
Hapi i tetë-punë e pavarur
156