Gjuha shqipe 7

Libër Mësuesi
Kujtojmë:
Teksti rrëfimtar letrar është një tekst në të cilin rrëfehen fakte reale ose imagjinare, të vendosura në hapësirë
dhe në kohë, të bashkuara në një mënyrë të tillë që të formojnë një histori në të cilën bashkëveprojnë
personazhe me role të ndryshme.
Ndërtimi i njohurive të reja: Pema e mendimit
Subjekt që mbështetet
Personazhet
Fantastikë ose Realë
Legjendat
në besime të lashta
Ngjarje zhvillohen në vende reale
ose imagjinare
Fantastike,
por edhe me bazë historike
Legjenda-rrëfim fantastik, në bazë të së cilit qëndron një ngjarje që ka ndodhur në realitet ose një
ngjarje historike.
Proza është një lloj letrar ose joletrar që ndryshe nga poezia nuk shkruhet në vargje, por në rreshta.
Rrëfenja është një tregim i shkurtër për një ndodhi të vërtetë ose të trilluar, zakonisht me shtjellim të thjeshtë.
Lexim i drejtuar: Njihen nxënësit me përmbajtjen e pjesës. “Rozafati” është një rrëfenjë ndërtuar sipas
legjendës së murosjes. Në qendër të saj është flijimi për ngritjen e mureve të kalasë që do të shërbenin si
mbrojtëse të jetës. Kujtojmë shkurtimisht përmbajtjen e legjendës: Fjala u dha nga të tre vëllezërit, por vetëm
vëllai i vogël e mbajti.
Lexojmë fragmentin me intonacionin e duhur, duke e ndarë atë në paragrafë dhe duke nënvizuar fjalët e reja.
Punë e drejtuar- Reflektim kuptimor
Pyetja 1. Nxënësit shkruajnë 4 fjali sipas renditjes së kryerjes së veprimeve.
Ditari dypjesësh- Bota e brendshme e nuses së vogël shprehet në fragment.
Fragment
Gjendja shpirtërore
- Shëndoshë ju, o tim kunetër. Po unë do t’ju lë një porosi:
Kur të më muroni në mur, synë e djathtë të ma lini jashtë,
dorën e djathtë të ma lini jashtë etj..
Një grua legjendare, e fortë, që nuk
dridhet përpara vendimit që është
marrë. Dhembja shpirtërore jepet
dhe ndihet edhe nëpërmjet gjuhës
së tekstit (pasthirrma O).
Punë e pavarur. Punohet pyetja 4 sipas kërkesës: Gjuha e rrëfenjës është:
e thjeshtë;
e qartë;
me shumë folje;
me fjali të shkurtra dhe me shprehje
frazeologjike;
me dialogë.
Pyetja 5: Gjeni në tekst: një shprehje frazeologjike, një folje të mënyrës dëshirore dhe një shprehje
përshëndetëse që janë karakteristike të rrëfenjave.
-lidhuni me besa-besë;
-kështjella qëndroftë;
-Shëndoshë ju, o tim kunetër.
Pyetja 6: Një nga motivet më të njohura që trajtohet këtu është mbajtja e fjalës së dhënë. Diskutoni për këtë
cilësi të traditës sonë duke e lidhur edhe me raste të tjera nga krijimtaria popullore, ku ajo është përdorur.
-Besa e Kostandinit.
-Ymer Agë Ulqini.
78