Gjuha shqipe 7

Libër Mësuesi
Metodologjia dhe veprimtaritë e nxënësit
1. Lidhja e temës me njohuritë e mëparshme:
Hapi i parë-punë në grupe dyshe
Nxënësit në punë në grupe dyshe analizojnë fjalët:
- Ngjyrë = n+gj+y+r=ë Forma
- Ngjyrë = Veti fizike e një trupi për të thithur një pjesë të dritës që bie mbi të dhe për ta
pasqyruar pjesën tjetër me rreze të një gjatësie të caktuar. (kuptimi)
- Sport= s+p+o+r=t Forma
- Sport = Veprimtaria për zhvillimin e gjithanshëm dhe kalitjen e trupit nëpërmjet ushtrimeve
fizike, lojërave te ndryshme (kuptimi 1)
-Sa për sport, për të kaluar kohën, pa rëndësi, kot (kuptimi 2)
Hapi i dytë-demonstrim
Mësuesja dhe nxënësit japin edhe shembuj të tjerë për të qartësuar formën dhe kuptimin e
fjalës.
2. Ndërtimi i njohurive të reja:
Hapi i tretë- INSERT
Nxënësit lexojnë informacionin në libër për kuptimin e fjalëve dhe fushën leksikore duke
përdorur edhe shenjat e INSERTIT. Ndalen te tabela ku jepen kuptimet e fjalëve (fusha
leksikore dhe fusha semantike).
+ V - ?
Hapi i katërt- Listë fjalë sh dhe kuptime të para, të dyta, të treta, etj
Nxënësit shprehin mendime për sporte të ndryshe që ata e ushtrojnë më tepër dhe pse. Këto
janë një bashkësi sportesh (fjalësh) që ju ushtroheni me dëshirë e pasion.
-Numërojnë llojet e lojërave të tyre në fëmijëri e deri sot.
Hapi i pestë- memorizim konceptesh
Nxënësit lexojnë tabelën në libër, me fushat leksikore e semantike të fjalës ngjyrë dhe
përkufizojë se ç’është fusha leksikore, fushë semantike.
Fusha semantike mbështetet mbi fusha konceptore, si:përmasa, njësia matëse, forma, koha,
lënda( e lëngët, e gaztë, e ngurtë)
3. Prezantim dhe demonstrimi i rezultateve të arritura:
Hapi i gjashtë- punë në grupe
Nxënësit në grupe dyshe punojnë ushtrimet 1, 2, i përdorin fjalët e dhëna në fjali për të dhënë
kuptimin e tyre (Sipas shembullit të ushtrimit 2)
Pasi kontrollojmë punën e njëri - tjetrit, lexojnë fushën leksikore dhe semantike të fjalëve:
sport, kompjuter, muze.
Sport: futboll, basketboll, mundje, not, vrap, gjimnastikë etj. (fusha leksikore)
sportet e rënda, sportet e ujit, sportet dimërore, lojërat olimpike...(fusha semantike)
Hapi i shtatë-punë e pavarur
Ushtrimi 3, 4, 5, i plotësojnë në libër, fjalët e dhëna i gupojnë sipas fushës leksikore, gjejnë
fjalët, gjejnë fushën leksikore. Ushtrimin 5, e punojnë me grupe pesëshe, duke gjetur fjalë të
një fushe leksikore te pjesa letrare “Breshka dhe lepuri”
Hapi i tetë- vlerësim
Mësuesi kontrollon punën e tyre, vlerësojnë vetë nxënësit punën e njëri - tjetrit.
- Zgjidhja e ushtrimeve:
Ushtrimi 1. Lojërat: loja kukafshehti, loja me toparasa, loja me shami, shah, domino, letra,
etj.
Sporti: futboll, basketboll, alpinizëm, qitje, volejboll, atletikë, çiklizëm etj.
Ushtrimi 2. Fjala sport: fusha leksikore- sportet e rënda, sportet e ujit, sportet dimërore.
Fusha semantike- sportet e rënda përfshijnë;mundje, boks, kec, peshëngritje,
158