Pares cum Paribus Nº 4: Índice - Facultad de Ciencias Sociales ...

133 Cal.- Aduenio festinans. Quis es? Arbitrabar Poliodorum esse et recte putaui.
134 Pol.- Cur non igitur uelocior eras?
135 Cal.- Non certa eram, quoniam nondum est decima (93)* qua te uenire
iusseram.
136 Pol.- At ego diferre (94)* amplius non potui pre amore.
137 Cal.- Parum refert, tibi enim (95) omni hora presto sum; sed quis nomen
indicauit meum?
138 Pol.- Hac nocte in somnis peruenit ad aures michi.
139 Cal.- Ridesne?
140 Pol.- Anus quedam michi querenti indicauit.
141 Cal.- Procedas caute, nam cum in omnibus rebus astu agendum est, tum in
amore maximum expedit. Tu hic sta dum ego ad parentem Clymestre uado, post
deinde illuc uenias et rem conficiemus.
142 Pol.- Obtempero; abi, quam cito illic adero.
143 Cal.- Tu, Symacha, serua interea hos pullos dum absum, ne anas (96) illos
profliget, et cetera diligenter cura ut facias (97). Abeo nunc ut operam
industriamque meam in hunc tenerum Poliodorum consumam (98) omnem.
Multos ego michi comparaui hac* mea arte amicos; hunc arbitror, si opera mea
uenere potitus fuerit sua, potissimum michi carissimumque et in egestate
liberalissimum fore. Intrabo ego ad illas. Sed, quid confingam cause? Hortum
(99) suum me uisuram dicam, quod intellexerim uiridissimum fertilissimumque.
Arbitror quidem pauci esse ingenii, que nescit causam confingere.
144 Pol.- Iam illic est; abeo festinus. Calimacham (100) uocabo; dubito autem
an me continere possim, dum illam perspiciam, sed dii michi omnes faueant.
Intro.- Heus, heus!*, estne hic Calimacha?
[Sc. IV.] Glauca, Calimacha, Poliodorus, Clymestra