Pares cum Paribus Nº 4: Índice - Facultad de Ciencias Sociales ...

tue est Calimache familiarissima amicissimaque. Ego tibi et Clymestra hec filia
mea omnem operam nostram pollicemur; persona nostra et quicquid nobis,
Poliodore, est, tuo est in arbitratu. De nobis ut ancillis tuis cogita, dispone atque
impera; prompte sumus in omne tuum obsequium.
177 Pol.- Etsi (115) habunde satis opes sunt michi, Glauca, et genus non humile,
nunquam tamen ego cuiuspiam tenues fortunas aut obscurum genus flocci
facere (116) soleo. Non igitur uestram ego (117) amicitiam respuo, satis enim
presidii et spei in his michi locaui edibus, et maxime uos diligo, Glauca mea,
mea Clymestra. Utamini pariter ambe opera mea (118), si quid utilis est; rebus
meis arbitratu uestro fruamini; corpus hoc statuite ut uestrum; discernite atque
indicite ut uobismetipsis.
178 Gla.- Nos tuam, Poliodore, istis uerbis maximam erga nos agnouimus
humanitatem liberalitatemque, tibique singulares gratias habemus.- Sed tu,
Calimacha, cur adeo paucos legisti caules et lactucas tam modicas? (119) Rem
nobis facis ingratam nisi te oneres. I igitur, itemque collige.
179 Cal.- Ah, nimis es prodiga, Glauca! Quid plures habeam? Satis sunt michi.
180 Gla.- Si aberras, tu te fallis; omnia tibi que in horto (120) sunt expono,
ceteraque mea ad uoluptatem tuam.
181 Cal.- Gratias tibi habeo, mea Glauca; ualete nunc. Poliodore, uides quam tibi
felix est in hoc amore principium. Spera cetera multo felicius gratiusque
successura, facile enim est rei medium atque exitum ab initio deprehendere.
Nonne tibi familiaritas, nonne pollicitationes placent matris, quas erga te
ingredientem discedentemque habuit?
182 Pol.- Placet sane rei initium, matris pollicitationes familiaritasque placet, et
michi uidetur illa apta nimis atque idonea ut arte a nobis atque astu capiatur.
Sed nimium michi [folio 26v] uisa est filia pudens atque uerecunda; primum me
ante fores uiso erubuit neque fores aperuit (121), sed post mater illam
increpans coegit, neque unquam oculos in faciem leuauit meam, sed semper
humi fixa stetit. Vixque etiam iubente matre dexteram attigit (122) michi.
183 Cal.- Filiam pudicam esse atque uerentem admodum non negarim,
Poliodore; tibi tamen ob hoc res ne difficilis uideatur; modo matrem
comparemus, nobis (123) res est in tuto. Verum ne dubites: fortiter incepta
audentius prosequamur. Voluptas tua nimirum tibi prompta erit et eo plus apud
te commerebor gratie quo adulescentulam tibi adeo pudicam amorique alienam
tuos in amplexus deduxero arte industriaque mea.
184 Pol.- Principia quoniam (124)* spem bonam suadent; temptemus reliqua.