Pares cum Paribus Nº 4: Índice - Facultad de Ciencias Sociales ...

Preterea apud hunc nonnichil (168) conquisiuisses gratie et laudis, qui nunc te
dicat, crede (169)*, ut ignobilem genere, mores pariter rusticos obseruare.
228 Cly.- Multo post doctior ero, ne me ultra excrucies.
229 Gla.- Sis uelim, filia, diligenterque matris custodias monita nec, ut mos est
iuuentutis, dum tibi aliquid paruum licere, nolo omnia licere arbitreris, nam
semper uirtutibus uicina sunt uitia*.
230 Cly.- (Secum.) Quam uehementer excrucior nunc misera! Illum ego
adulescentem* amo preter modum, et dum timeo ne amor detegatur meus,
seuera rigidaque sum, ultra quam deceat. Sic et michi displiceo et matri
ingratam facio rem et Poliodorum recte in odium conuerto michi. Pertimui
preterea matrem, que semper actus omnes meos diligenter obseruare atque
notare consueuit. [folio 29v] At ex rigida atque aspera, nunc uisa est michi in
facilitatem et equitatem summam descendisse. O quam doleo non hec ante
monita persensisse! Nimirum ego in illum iocundo me uultu apertaque facie
dulci colloquio accommodassem*. Sed unum est quo excrucior animo
uehementer: uereor ne ille me amare contempserit ob meas ineptias, neu
rusticam nimis et se indignam arbitretur. Hec tamen me consideratio solatur
aliquantisper et michi spem aliquam ipsius pollicetur: cogitasse ipsum potuisse
me omnia illa non ob rusticitatem, sed quandam puellarum naturalem
consuetudinem ut soleant quos ament, presertim dum suspicio oriri potest,
uidelicet (170) ante suos parentes cognatos affinesque, quasi non ament
indicare. Preterea hoc unum totum michi aufert dum cogito animi languorem
tristitiamque: quod sic me mater instruxisse uideatur, non ego ita nata uidear.
Nunc certe si alias redierit, omnem corrigam preteritam culpam seu
rusticitatem, et me illi exhibebo piam, tractabilem, facetam, iocundam atque si
licuerit in amplexus conuertam me suos, deosculaborque, et amorem saturabo
meum.
[Sc. VII.] Calimacha, Glauca, Clymestra
231 Cal.- Ad te uenio, Glauca, teque libens in uia offendo.
232 Gla.- Affersne noui quicquam?
233 Cal.- Scies.
234 Gla.- Dic, igitur, dum presto sum audire. Sed quid lacrimas?