Pares cum Paribus Nº 4: Índice - Facultad de Ciencias Sociales ...

Habes nunc rem a principio; nunc consulamus reliquum est. Ipse se mori ait,
totam noctem insomnem duxisse, seque michi committit ut rei mederer (186)*,
que nisi (187) sibi feliciter aliter obueniat, ui et armis omnia confecturum se
aiebat. Hic ego substiti, et dum illum rogassem plurimum ut amore hoc
desisteret et nobili alicui puelle se digne intenderet neque impetrassem, decreui
ad te rem, magno licet pudore, deferre ut potissimum in hac re consilium
discerneres. Huic enim rem negare non potes, qui tanta hac in urbe nobilitate et
copiis, (188) potentia fauoreque ualeat. Quid tibi nunc faciendum uidetur,
Glauca? Opus est consilio, non lacrimis; quare lacrimas dilue faciemque parum
exhilara (189). Si lacrime quidem hanc ad rem conducerent, insisterem una
tecum lacrimis; quando consilio opus est in hac re, quam primum captandum
est. [folio 31r] Scis enim quam impie affligat amor; ille ui operam dabit
consequi, nisi cito equum idoneumque captemus consilium.
261 Gla.- Habeo omnia et secus multo quam uellem intelligo, et hec indigna per
te fero, Calimacha, nam si heri ad me non uenisses, mali huius nichil esset.
262 Cal.- At hoc incertum est quod dicis; qui scis enim an non ipse quoque aliter
incurrisset amorem? Desine igitur me accusare quando et alias fore potuit et me
imprudente euenit, et dum tempus est, tibi illique consule. Ego (190) simul in te
adiuuanda et illa Clymestra, omnem meam subiiciam operam, industriam,
consilium, resque si uoles ita me auctore componetur, ut me imprudente mei
(191) causa euenit.
263 Gla.- Sed quid recti consilii in mentem satis nobis uenire possit, quando ille
rem immodestam iniustamque postulat, et nulla ratione nostris fauet
commodis? Tantum potiri illa uult; nam si ille uellet ducere, quod non arbitror
fore, rem cito transigerem et diis gratias agerem quod illam amauit, unde tam
honeste nuptie consequerentur. Sed quid ego, que ipsam ad hoc usque tempus
honestissimis alui rationibus ut in ipsa laus eluceret mea, nunc illam grandem
etate prostituendam illi dedam? (192) Qui autem illam aliquanto tempore
intemperanter in usum uerterit suum, tedio affectus, illam ad prostibulum
compellat, nubendi facultate remota.
264 Cal.- Ah, ne istam tantam insaniam in mentem retineas tuam ut illum
strenuum et ingenuum adulescentem talem enormitatem machinari putaueris.
Rem omnem ego ab illo intellectam narrabo: uxorem quidem non uult, nam hoc
pati nullo modo ait posse matrem suam et suum nobile genus, ut ipse tantis
parentibus, tantis opibus, tanto in urbe honore (193) habitus, ignobilem
inopemque traduceret, uerum deos omnes atque deas testabatur tante sibi illam
cure*, quamuis illam non duxerit, quante uxor esse iure debeat, seque, dum illa
potietur, nunquam adducendum esse ut uxorem sibi uelit aliam habere. Addebat
ipse magna protestatione maxime adulescentule [folio 31v] sibi carum esse
honorem et quam modestissime sua usurum consuetudine eamque summopere
occultatam seruaturum. Que ille munera, quas largitiones in medium afferret,