Mark Bray - IIEP - Unesco

Bu kitabda repetitor fəaliyyətlərini əhatə edən kölgə təhsil sistemindən bəhs
edilir. Xüsusən Şərqi Asiyanın bəzi yerlərində repetitorluq uzun müddət geniş
miqyasda mövcud olmuşdur. İndi o, Asiyanın başqa yerlərində və Afrikada, həmçinin
Avropada və Şimali Amerikada da özünü getdikcə daha qabarıq büruzə verir.
Şagirdlər dövlət məktəblərində pulsuz təhsil alırlar və günün sonunda və /və ya həftə
sonu və tətillərdə eyni fənlər üzrə ödənişli əsasla əlavə fərdi dərs alırlar.
Repetitor təhsilinin müsbət tərəfləri ola bilər. O, şagirdlərin dərs proqramını
çatdırmalarına kömək edir, gənclər üçün məktəbdən kənar iş rolunu oynayır və
repetitorlar üçün qazanc mənbəyidir. Ancaq repetitorluq həmçinin mənfi nəticələr
törədə bilər. Bazar qüvvələrinin öhdəsinə buraxıldıqda repetitorluq sosial
bərabərsizliyi saxlayır və artırır, o, həmçinin qeyri-akademik fəaliyyətlər üçün vaxtı
olmayan gənclər üzərində artıq təzyiq yaradır. Xüsusən problemli sayılan məsələ
məktəb müəllimlərinin öz şagirdlərinə əlavə pullu dərs vermələridir.
Bu kitabda əvvəlcə kölgə təhsil sisteminin miqyası, xarakteri və nəticələri şərh
olunur. Daha sonra problemə qarşı hökumət tərəfindən təşkil olunan tədbirlərdən
bəhs edilir. Kitabda müəyyən edilən proaktiv (həlledici) yanaşma vasitəsilə
hökumətlər arzuolunan və problemli sayıla bilən repetitorluq növünü müəyyən edir,
sonra isə müvafiq prinsiplər işləyib hazırlayırlar.
Müəllif haqda
Mark Bray UNESCO Təhsilin Planlaşdırılması üzrə Beynəlxalq İnstitutunun (TPBİ)
keçmiş direktorudur. Onun 1999-cu ildə TPBİ tərəfindən nəşr edilmiş kitabı kölgə
təhsil sistemindən bəhs edən ilk nəşr olmuşdur və indiyə qədər bu kitaba geniş
istinad edilir. Onun həmin mövzuya həsr edilmiş sonrakı işi bu kitab üçün mühüm baza
rolunu oynamışdır. Mark Bray həmçinin müqayisəli təhsil, təhsilin idarə olunması və
maliyyələşdirilməsi kimi məsələlərə dair bir çox nəşrlərin müəllifidir.
Təhsilin Planlaşdırılması üzrə Beynəlxalq İnstitut
ISBN: 978-92-803-1333-8