Mark Bray - IIEP - Unesco

Diaqnoz
• 1984-cü ildə orta məktəbin yuxarı sinif şagirdlərinə qış tətili vaxtı xarici dil üzrə özəl
repetitor məktəblərinə getməyə icazə verilirdi. Ən zəif nəticələr göstərən şagirdlərə
(20%) məktəbdə müəllimlərdən əlavə dərs almağa icazə verilirdi.
•
•
•
•
1988-ci ildə məktəbdə hər bir şagirdin öz müəllimindən ödənişli əsasla əlavə dərs
almasına icazə verilirdi.
1989-cu ildə universitet tələbələri tərəfindən ibtidai və orta məktəb şagirdlərinə fərdi
dərs verilməsinə icazə verilirdi. Əyani vəsait kimi maqnitofonların hazırlanmasına,
alınmasına və kirayəyə götürülməsinə də icazə verilirdi. İbtidai və orta məktəb
şagirdləri tətil vaxtı dərs almaq üçün repetitor müəssisələrinə gedə bilərdilər.
1991-ci ildə ibtidai və orta məktəb şagirdlərinə dərs rübləri vaxtı da repetitor
müəssisələrinə getmək üçün icazə verilirdi.
1996-cı ildə universitet məzunları tərəfindən ibtidai və orta məktəb şagirdlərinə fərdi
dərslərin keçilməsinə icazə verilirdi.
Qadağaların yüngülləşdirilməsi sürətli inkişafa təkan verdi. 1993-cü ildə bütün ölkədə fərdi
dərs xərcləri 3 410 milyard Won (4,3 milyard ABŞ dolları) təşkil edirdi. Bu rəqəm 1994-cü
ildə 4 696 milyard Won, 1995-ci ildə isə 9 320 milyard Won-a qədər artdı (Yoon və b., 1997,
s. 1). 1997-ci ilə qədər ibtidai, orta və yuxarı sinif şagirdlərinin orta illik repetitor xərcləri
adambaşına düşən Ümummilli Məhsulun 12-16%-nə çatmışdı ki, bu da Yaponiya üzrə
göstəricidən 3-4 dəfə artıq idi (Kwak, 1999). Repetitorluq ibtidai siniflərdə ən yüksək həddə
idi və şəhərlərdə özünü daha qabarıq büruzə verir, kənd zonalarında isə əhəmiyyətli bir
fəaliyyətə çevrilmişdi.
Qismən bu artımla əlaqədar olaraq 1997-ci ildə qadağa məsələsi yenidən siyasi gündəmə
gəldi. Prezident Kim Dae-Jung 1998-ci ildə inaqurasiya nitqində bəyan etdi ki, “gəncləri
məktəbdənkənar fəaliyyətlərdən, valideynləri isə repetitor dərslərinin maddi yükündən azad
edəcək” (sitat Yi-yə aiddir, 2002, s. 2). 1998-ci ildə hökumət elan etdi ki, orta məktəb
şagirdləri üçün məktəbdənkənar repetitor dərsləri mərhələlərlə qadağan ediləcək: 1999-cu
ildə orta məktəbin aşağı sinif şagirdləri və liseylərin birinci sinif şagirdləri üçün, 2001-ci ildə
hər bir orta məktəb şagirdi üçün.
Ancaq bu dəyişiklik böyük skeptisizm ilə qarşılandı. Tənqidçilər hesab edirdilər ki,
repetitorluğa qarşı ən effektiv mübarizə onu lazımsız etməkdir və bunun üçün repetitorluğun
yaratdığı rəqabət azaldılmalı və məktəb təhsil sisteminin keyfiyyəti artırılmalıdır.
Dövri mətbuatda yer alan bir məqalədə aşağıdakı fikirlər şərh edilirdi (Asiaweek,
1997, s. 20):
51
Təhsilin Planlaşdırılması üzrə Beynəlxalq İnstitut
www.iiep.unesco.org