Normas ortográficas e morfolóxicas - Inicio

Os restantes fórmanse mediante o cardinal correspondente seguido
da palabra veces.
16.4. PARTITIVOS
medio, -a noveno, -a
terzo, -a décimo, -a
cuarto, -a onceavo, -a
quinto, -a doceavo, -a
sexto, -a centésimo, -a
sétimo, -a milésimo, -a
oitavo, -a millonésimo, -a
Nótese que a partir de 1/11 (e exceptuados 1/100, 1/1000,
1/1.000.000) o partitivo faise engadindo ao cardinal o sufixo -avo: (1/16)
un dezaseisavo, (2/29) dous vinte e noveavos, (7/345) sete trescentos
corenta e cincoavos.
Metade, aínda que expresa fracción, é un substantivo.
A forma medio, calquera que sexa a función que desempeñe (substantivo,
adxectivo ou adverbio), é maioritaria en galego moderno. No galego antigo, á
parte de meogo ou meiogo ‘lugar medio ou central dun espazo’ (˜eno meogo da
eigreja), rexístranse as formas populares meo e meio, que tiñan principalmente
valor numeral. Tamén se rexistra, xa desde mediados do século XIII, o cultismo
médeo, medio, perfectamente intercambiable con meo ~ meio.
A forma culta acabou triunfando de maneira definitiva, polo cal debe ser
consagrada como única normativa. Consecuentemente, tamén os antigos
meão, mear, meados etc. foron substituídos por mediano, mediar, mediados
etc.; á parte están os cultismos do tipo mediante, mediación etc., que nunca
tiveron forma popular previa.
101