Normas ortográficas e morfolóxicas - Inicio
Normas ortográficas e morfolóxicas - Inicio
Normas ortográficas e morfolóxicas - Inicio
Create successful ePaper yourself
Turn your PDF publications into a flip-book with our unique Google optimized e-Paper software.
es procedentes das latinas rematadas en -AELUM, -ELUM, -OEDUM, -ENUM<br />
(calquera que sexa o timbre da vogal tónica) e as formadas co sufixo -eo a<br />
partir de verbos en -ear: ceo, receo, veo, feo, cheo, freo, arqueo, bloqueo<br />
etc. Esta secuencia tradicional en galego facilita que os cultismos procedentes<br />
de palabras rematadas en -EUM, esdrúxulas ou graves, se acomoden<br />
en -eo; téñase en conta que, en xeral, a todo -U latino lle corresponde en<br />
galego -o, e as palabras deste grupo non fan excepción: aéreo, arbóreo,<br />
arxénteo, áureo, cetáceo, ciclópeo, coetáneo, consanguíneo, contemporáneo,<br />
córneo, corpóreo, crustáceo, curvilíneo, cutáneo, erróneo, espontáneo,<br />
larínxeo, linóleo, marmóreo, mediterráneo, momentáneo, núcleo,<br />
óleo, óseo, pétreo, petróleo, purpúreo, rectilíneo, róseo, sanguíneo, terráqueo,<br />
térreo, venéreo, violáceo, vítreo; apoxeo, arameo, ateo, camafeo,<br />
corifeo, europeo, fariseo, filisteo, hebreo, himeneo, liceo, mausoleo, museo,<br />
peritoneo, pigmeo, plebeo, reo, trofeo, xacobeo. Tamén os galicismos ou<br />
catalanismos fideo e manteo.<br />
Rematan en -eu as seguintes palabras patrimoniais, ou xa antigas: eu,<br />
meu, teu, seu, chapeu, romeu, sandeu (fem. sandía), xubileu, xudeu (fem.<br />
xudía). Tamén ten esta terminación a voz leu (pl. lei) ‘unidade monetaria de<br />
Romanía’.<br />
O portugués compórtase de modo en parte diferente debido a unha evolución<br />
fonética particular: mantén a secuencia -eo nos cultismos esdrúxulos<br />
(pétreo), mentres que os cultismos graves os acomoda en -eu (ateu, pigmeu),<br />
debido a que nas palabras populares non ten senón as terminacións -éu (céu,<br />
réu, véu) ou -eio (receio, feio, cheio, freio, arqueio, bloqueio), segundo as<br />
súas propias leis de evolución fonética, diferentes das do galego común. O<br />
galego mantén -eo patrimonial e, aínda que en certas zonas poida xerar un<br />
iode sempre que haxa un hiato (a i-auga, ceio, cantaraia, deia), trátase dun<br />
fenómeno asistemático: nun mesmo lugar poden darse feio e ceio, fronte a<br />
cheo e veo, e aínda un mesmo falante pode usar indistintamente unha palabra<br />
con iode ou sen el. Por esta razón, este fenómeno non debe reflectirse na<br />
escrita. Habendo, por tanto, -eo, a acomodación dos cultismos pode ser regular,<br />
tanto no masculino coma no feminino (europeo, europea; cf. port. europeu,<br />
europeia).<br />
59