Normas ortográficas e morfolóxicas - Inicio
Normas ortográficas e morfolóxicas - Inicio
Normas ortográficas e morfolóxicas - Inicio
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Tendo en conta que -o é innovación e que aínda hoxe non abarca senón<br />
áreas xeográficas moi restrinxidas, adóptase como normativa a forma que ten<br />
a desinencia u, que xa vén sendo usual na tradición literaria. Desta maneira<br />
mantense, ademais, un sistema simétrico: comeu e partiu = cantou.<br />
Andastes, varrestes, partistes. Na segunda persoa do plural dos perfectos<br />
a desinencia máis común en todo o galego actual é -stes (cantastes,<br />
varrestes, partistes). Ao lado desta, en zonas compactas pero descontinuas,<br />
aparece unha forma hipercaracterizada con dous morfemas de segunda persoa<br />
de plural: -stes (do perfecto) e -des (dos outros tempos): cantástedes,<br />
varréstedes, partístedes. Estes resultados aparecen sobre todo arredor da ría<br />
da Arousa, na zona de Fisterra e entre Pontedeume e Ortigueira. Noutra<br />
zona, tamén compacta, arredor de Laxe, aparece unha forma (vós cantaches<br />
etc.), con sincretismo da 2ª de singular e de plural (como en cantaras etc.).<br />
Esporadicamente aparece tamén cantáchedes etc. (que é unha suma de cantaches<br />
con cantades). Todas son formas xeradas espontaneamente polo propio<br />
galego. Neste caso o criterio de área maior é suficiente para a escolla a<br />
favor de cantastes etc.; é ademais a forma que se corresponde co galego<br />
antigo e a que deriva directamente da latina -STIS.<br />
Andase, andara. As formas en -ra funcionan tamén como pretérito de<br />
subxuntivo; nalgunhas construcións mesmo son as únicas posibles: Se non o<br />
fixeches, fixéralo. Non obstante, agás nestes últimos casos, recoméndase manter<br />
ben discriminados os usos dos dous tempos (-ra coma antepretérito de indicativo<br />
e -se coma pretérito de subxuntivo).<br />
Futuro de subxuntivo. É un tempo desaparecido da fala viva, onde só<br />
se mantén fosilizado en refráns e fórmulas. Porén, tivo un amplo uso na<br />
época medieval e aínda a súa presenza é significativa na literatura decimonónica,<br />
con continuidade, ás veces con usos incorrectos, na lingua literaria<br />
do século XX. Así pois, dada a súa lexitimidade histórica e a súa rendibilidade<br />
en certos rexistros lingüísticos, como por exemplo a linguaxe xurídica,<br />
cómpre restaurar o seu uso, sempre dentro dos límites da corrección establecidos<br />
pola gramática.<br />
109